రాధేశ్యామ్ ట్రైల‌ర్ పై థ‌మ‌న్ ఏమ‌న్నారంటే?

థమన్ తన 11 సంవత్సరాల వయస్సులో సినీపరిశ్రమలోకి అడుగుపెట్టాడు. మ‌ణిశ‌ర్మ స‌హా ప‌లువురు దిగ్గ‌జాల వ‌ద్ద స‌హాయ‌కుడిగా ప‌ని చేశాడు. మాస్ మహారాజా రవితేజ నటించిన కిక్ చిత్రంతో సంగీత ద‌ర్శ‌కుడిగా బిగ్ బ్రేక్ వ‌చ్చింది. కిక్ 2009లో విడుదలైంది. సంగీత దర్శకుడిగా అతని కెరీర్ ప్రారంభ రోజులలోనే మ్యాజిక్ చేశాడు. రాజాతో వ‌రుస చిత్రాల‌కు ప‌ని చేసి విజ‌యాలు అందుకున్నాడు. మిరపకాయ్ త‌ర్వాత మ‌హేష్ తో  దూకుడు..తార‌క్ తో బాద్ షా.. బ‌న్నీతో రేస్ గుర్రం మొదలైన మ్యూజికల్ హిట్ లకు బాణీలు అందించాడు. అతను చాలా తక్కువ వ్యవధిలో సంగీతంలో 50వ 100వ సినిమాల మార్క్ ను చేరుకున్న ఏకైక రికార్డును కలిగి ఉన్నాడు.

ఇటీవ‌ల అల వైకుంఠ‌పుర‌ములో చార్ట్ బ‌స్ట‌ర్ పాట‌ల‌తో థ‌మ‌న్ పేరు మార్మోగింది. వ‌కీల్ సాబ్ తోనూ నిరూపించాడు. థమన్ అందించిన సంగీతం సినిమాకి హైప్ పెంచ‌డంలో ఆదరణలో కీలక పాత్ర పోషిస్తోంది అంటే అతిశయోక్తి కాదు. త‌న ఆల్బ‌మ్స్ కి ఒక బిలియన్ కంటే ఎక్కువ హిట్ లు ద‌క్కుతున్నాయి అంటే..అదో రికార్డ్. యంగ్ రెబల్ స్టార్ ప్రభాస్- పూజా హెగ్డే జంటగా నటిస్తున్న రాధే శ్యామ్ చిత్రానికి థమన్ నేపథ్య సంగీతం అందిస్తున్న సంగతి తెలిసిందే. కొన్ని రోజుల క్రితం అతను రాధే శ్యామ్ కోసం సౌండ్ ట్రాక్ ల కోసం పని చేస్తున్న ఓ ఫోటోని పంచుకున్నాడు.

రాధే శ్యామ్ ట్రైలర్ కి బ్యాగ్రౌండ్ స్కోర్ కంపోజ్ చేస్తున్నది తమన్ అని ఇటీవల బలమైన బజ్ కూడా ఉంది. కానీ తాను రాధే శ్యామ్ థియేట్రికల్ ట్రైలర్ చేయడం లేదని థమన్ వెల్లడించాడు. ఈ రోజు మధ్యాహ్నం థమన్ తన ట్విట్టర్ లో క్లారిటీ ఇచ్చాడు. తాను రాధేశ్యామ్ ట్రైల‌ర్ కోసం ప‌ని చేయ‌డం లేద‌ని పూర్తిగా వివ‌ర‌ణ ఇచ్చాడు. రాధేశ్యామ్ సంక్రాంతి కానుక‌గా 2022 జ‌న‌వ‌రిలో అత్యంత భారీగా విడుద‌ల‌వుతోంది. మ‌రి కాసేప‌ట్లో ట్రైల‌ర్ విడుద‌ల కానుంది. ప్రీఈవెంట్ అత్యంత భారీగా జ‌రుగుతోంది.