'విజయ్ - కత్రినా'ల క్రేజీ కాంబోలో స్టార్ డైరెక్టర్ మూవీ!!

బాలీవుడ్ భామ కత్రినా కైఫ్.. పేరు ఉత్తరాదితో పాటు సౌత్ సినీప్రియులకు కూడా పరిచయం అక్కర్లేదు. తెలుగులో రెండు సినిమాలు చేసిన ఈ భామ మళ్ళీ తెలుగు తెరపై కనిపించలేదు. అలాగని కత్రినా ఫాలోయింగ్ ఏమాత్రం తగ్గలేదు. కత్రినా పేరుకు తగ్గట్టుగానే అమ్మడి ఫిజిక్ మెయింటైన్ చేస్తుంది. సినిమాల పరంగా బాలీవుడ్‌లో కత్రినాకు మంచి ట్రాక్ రికార్డు ఉంది. స్టార్ హీరోలు స‌ల్మాన్.. ర‌ణబీర్ లతో ప్రేమాయ‌ణం న‌డిపి బ్రేకప్ చేసుకుంది. ప్రస్తుతం సింగిల్ లైఫ్ తో మళ్లీ హీరోయిన్ గా బిజీ అవుతోంది. అయితే సౌత్ ప్రేక్షకులకు త్వరలో ఒక గుడ్ న్యూస్ చెప్పబోతుంది కత్రినా. ఎందుకంటే కోలీవుడ్ స్టార్ హీరో విజయ్ సేతుపతితో ఓ సినిమా చేయనుందట. లేటెస్ట్ న్యూస్ ప్రకారం.. బాలీవుడ్ డైరెక్టర్ శ్రీరామ్ రాఘవన్ తెరకెక్కించనున్న కొత్త సినిమాలో విజయ్ సేతుపతి, కత్రినాలు జతకట్టనున్నారు.

డైరెక్టర్ శ్రీరామ్ రాఘవన్ ఇటీవల అందధున్ సినిమా తీసి అటు కమర్షియల్ గా, ఇటు ఇండస్ట్రీ పరంగా సూపర్ హిట్ అందుకున్నాడు. సస్పెన్స్ థ్రిల్లర్ గా తెరకెక్కిన అందధున్.. మంచి నేమ్ ఫేమ్ తో పాటు అవార్డులు సైతం తెచ్చిపెట్టింది. అప్పటినుండి శ్రీరామ్ రాఘవన్ సినిమా కోసం ఆసక్తిగా ఎదురుచూస్తున్నారు ప్రేక్షకులు. ఇదివరకే వరుణ్ ధావన్ తో 'ఎక్కిస్' అనే భారీ బడ్జెట్ సినిమా ప్లాన్ చేసాడు. కానీ వరుణ్ 'కూలి నం.1' మూవీ టైంలో అది ఆగిపోయింది. అంతేగాక ఆ సినిమా కమర్షియల్ గాను బోల్తాకొట్టింది. ప్రస్తుతం శ్రీరామ్.. విజయ్ సేతుపతి, కత్రినా జోడి నటించబోయే సినిమా స్క్రిప్ట్ పనులలో బిజీ ఉన్నట్లు తెలుస్తుంది. ఇక కత్రినా, విజయ్ ల క్రేజీ కాంబినేషన్ బాలీవుడ్ వర్గాలలో సంచలనంగా మారింది. ఇక ఈ భామ అక్షయ్ కుమార్ సరసన సూర్యవంశీ సినిమాతో పాటు 'ఫోన్ బూత్' అనే కామెడీ హారర్ మూవీలో నటిస్తోంది.