`ట్రాయ్`లో గ్రీకువీరుడిలా ఏమిటీ లుక్కు సందీపూ!

ప‌ర్ఫెక్ట్ ఫిట్ బాడీని త‌యారు చేయాలంటే ఎంత‌గా శ్ర‌మించాలో అనుభ‌వించిన‌వారికే తెలుసు. గంట‌ల కొద్దీ స‌మ‌యం జిమ్ముకు అంకితం చేసి అద్దాల ముందు నానా ప్ర‌యాస ప‌డాలి. బ‌రువులెత్తి నొప్పులొస్తుంటే తెగ‌ తంటాలు ప‌డాలి. అయినా ఆ క‌ష్టానికి మోజు ప‌డుతున్నారు మ‌న హీరోలు. టాలీవుడ్ లో డ‌జ‌ను పైగానే ఫిట్ బాడీల‌తో 6 ప్యాక్ ల‌తో కండ‌లు మెలిగిన హీరోలున్నారు. ఇక ఈ సంఖ్య అంత‌కంత‌కు పెరుగుతోంది. తాజాగా ఈ జాబితాలో యంగ్ హీరో సందీప్ కిష‌న్ కూడా చేరాడు.

ఉన్న‌ట్టుండి ఇదిగో ఇలా హీరో సందీప్ అల్ట్రా మోడ్ర‌న్ లుక్ లో క‌నిపిస్తున్నాడు మ‌రి. 6 ప్యాక్ బాడీతో పాటు బైసెప్ ట్రైసెప్ యాబ్స్ షోల్డ‌ర్ ఇలా అన్ని విభాగాల్లో ప‌ర్ఫెక్ట్ మ్యాకోలా త‌యార‌య్యాడు. స‌రిగ్గా గ‌మ‌నిస్తే ట్రాయ్ మూవీలో గ్రీకువీరుడిలా క‌నిపిస్తున్నాడు క‌దూ? ఆ మూవీలో న‌టించిన ట్రామ్ క్రూజ్ దివ్య‌మైన రూపాన్ని ప‌దే ప‌దే క‌ల‌గ‌న‌ని క‌న్య‌క ఉండ‌నే ఉండ‌రు. ఇప్పుడు సందీప్ ని చూసినా ముద్దుగుమ్మ‌ల కంటికి కునుకు క‌రువ‌వ్వ‌డం ఖాయంగానే క‌నిపిస్తోంది.

సంథింగ్ హాట్ లుక్స్ కోసం సందీప్ చాలానే శ్ర‌మించాడ‌ని అర్థ‌మ‌వుతోంది. పైగా ఇలా చొక్కా విప్పి ఫోజులివ్వాలంటే చాలానే గ‌ట్స్ కావాలి. అవి త‌న‌కు ఉన్నాయ‌ని నిరూపిస్తున్నాడు. ఈ కొత్త లుక్ చూస్తుంటే సందీప్ లో అగ్ని ప‌ర్వ‌తం మండుతున్న‌ట్టుగా క‌నిపిస్తోంది. అందుకే ఈ రూపం కోసం కఠినమైన శిక్షణ పొందాడు. ఇదంతా దేనికోసం అంటే.. ఎప్ప‌టిలా రొటీన్ సినిమాల కోసం కాదు.. అతను యాక్షన్ పాత్రల కోసం ఆట. సందీప్ కిషన్ `వివాహ‌ భోజనంబు` చిత్రీక‌ర‌ణ‌లో పాల్గొంటున్నాడు. ఇప్ప‌టికే `ఏ1 ఎక్స్‌ప్రెస్` చ‌త్రీక‌ర‌ణ‌ పూర్తయింది. త్వ‌ర‌లో రిలీజ్ కి రానుంద‌ని స‌మాచారం.