పోర్న్ పాపని లైలా అంటున్న బాద్షా

1980ల్లో 'లైలా ఓ లైలా' సాంగ్ ఏ రేంజ్ లో హిట్ అయిందో అందరికీ తెలుసు. 30 ఏళ్లు గడిచిపోయినా ఇప్పటికి ఈ సాంగ్ ఇంకా వినిపిస్తూనే ఉంటుంది. మరి ఈ పాటను రీమేక్ చేస్తే ఎలా ఉంటుంది? అది కూడా షారూక్ ఖాన్ రీమిక్స్ చేస్తే అదిరిపోదూ.! అదే చేస్తున్నాడు షారూక్. మరి తనకు జంటగా ఎవరిని తెచ్చుకుంటున్నాడో తెలుసా.. పోర్న్ స్టార్ నుంచి అడల్ట్ కామెడీ హీరోయిన్ గా కన్వర్ట్ అయిన సన్నీలియోన్ ని తనకు జోడీగా తెస్తున్నాడు బాలీవుడ్ బాద్షా.

తనపై వచ్చిన అన్ని కామెంట్స్ కు తెగువతో కూడిన సమాధానాలతో ఇంటర్వ్యూ ఇచ్చి.. సన్నీ లియోన్ ఒక్కసారిగా అందరితోనూ సూపర్ అనిపించేసుకుంది. అమీర్ - అనుష్క శర్మ - ఆలియా భట్ లాంటి ఎందరో ఆమెకు మద్దతు పలికారు. అవకాశం వస్తే.. తప్పకుండా ఆమెతో కలిసి చేస్తామని సూపర్ స్టార్లు కూడా సపోర్ట్ ఇచ్చారు. ఇప్పుడా అవకాశమే సన్నీ తలుపు తట్టింది.  ప్రస్తుతం రాహుల్ ఢోలాకియో.. షారూక్ ఖాన్ తో రాయీస్ మూవీ తీస్తున్నాడు. 80ల్లో స్టోరీతో నడిచే ఈ మూవీలో.. ఆ టైంకి తగినట్లుగా ఓ ఫాస్ట్ బీట్ కోసం ఆలోచించారు.

'లైలా ఓ లైలా'  అయితే కరెక్ట్ ఆప్షన్ అని డిసైడ్ అయిన బాద్ షా.. ఆ పాటను రీమేక్ చేసేందుకు ఫిక్స్ అయ్యాడు. ఈ పాటలో తనతో కలిసి ఆడి పాడే సుందరిగా సన్నీ లియోన్ ని కూడా తానే సెలెక్ట్ చేశాడు. అప్పటి పాటలో కనిపించే మాదిరిగానే ఓ క్లబ్ సెట్ వేస్తారని, సన్నీ గెటప్ కూడా జీనత్ అమన్ మాదిరిగానే ఉంటుందని తెలుస్తోంది. వచ్చే నెలలో రాయీస్ షూటింగ్ సన్నీలో భాగం కానుండగా.. రెండు రోజుల పాటు ఆమె షెడ్యూల్ తీసుకున్నామని యూనిట్ చెబుతోంది.