ఫస్ట్ లుక్ : కేసులు కావాలన్న తెనాలి రాముడు

హాస్య చిత్రాల దర్శకుడిగా పేరున్న జి నాగేశ్వర్ రెడ్డి మొదటిసారి సందీప్ కిషన్ కాంబోలో రూపొందిస్తున్న తెనాలి రామకృష్ణ బిఎ బిఎల్ షూటింగ్ కీలక దశలో ఉంది,. హీరో పుట్టిన రోజు సందర్భంగా టీమ్ ఫస్ట్ లుక్ పోస్టర్ విడుదల చేసింది. సందీప్ కిషన్ వెరైటీగా గబ్బర్ సింగ్ స్టైల్ లో టేబుల్ మీద కాలు వేసుకుని గాగుల్స్ తో నవ్వుతూ ఇచ్చిన స్టిల్ చూస్తుంటే ఇదేదో మంచి ఎంటర్ టైనర్ గా రూపొందినట్టు కనిపిస్తోంది.

కేసు ఇవ్వండి ప్లీజ్ అనే ట్యాగ్ లైన్ చూస్తుంటే కథ ప్రకారం అట్టే పని లేని లాయర్ వేషంలో కథానాయకుడు నవ్వులు పంచడం ఖాయంగా కనిపిస్తోంది. హన్సిక చాలా గ్యాప్ తర్వాత హీరోయిన్ గా నటిస్తున్న మూవీ ఇది. వరలక్ష్మి శరత్ కుమార్ మొదటి సార్ తెలుగులో స్ట్రెయిట్ గా చేస్తున్న మూవీగా తెనాలిరామక్రిష్ణ మరో ప్రత్యేకతను సంతరించుకుంది

ఖచ్చితంగా హిట్ కొట్టాల్సిన టార్గెట్ తో జి నాగేశ్వర్ రెడ్డి-సందీప్ కిషన్ లు రూపొందిస్తున్న తెనాలి రామకృష్ణ బిఎబిఎల్ విడుదల తేదీ షూటింగ్ పూర్తయ్యాక ప్రకటిస్తారు. చోటా కె ప్రసాద్ ఛాయాగ్రహణం అందిస్తున్న ఈ మూవీకి రాజసింహ కథ భవాని ప్రసాద్ సంభాషణలు సమకూరుస్తున్నారు. సాయి కార్తీక్ సంగీతం మరో ఆకర్షణగా నిలుస్తోంది.

వరలక్ష్మి పాత్ర కాస్త నెగటివ్ షేడ్స్ తో ఉంటుందని టాక్. మొత్తానికి ఫస్ట్ లుక్ పోస్టర్ తో ఇందులో వినోదం ఉండనే హామీ అయితే ఇచ్చారు. టీజర్ ను త్వరలో విడుదల చేసే ప్లానింగ్ లో ఉంది యూనిట్. ఈ వేసవిలోనే తెనాలి రామకృష్ణ వచ్చే అవకాశాలు ఉన్నాయి