'వకీల్ సాబ్'లో ఆ సీన్ గాల్లో పేపర్స్ ఎగరేసేలా చేస్తుందట..!!

టాలీవుడ్ పవర్ స్టార్ మూడేళ్ల బ్రేక్ తర్వాత రీఎంట్రీ ఇవ్వనున్న సినిమా 'వకీల్ సాబ్'. డైరెక్టర్ వేణు శ్రీరామ్ దర్శకత్వంలో తెరకెక్కిన ఈ సినిమాను దిల్ రాజు నిర్మించాడు. ఇప్పటికే అభిమానులలో వకీల్ సాబ్ మూవీ పై భారీ అంచనాలు నెలకొన్న సంగతి తెలిసిందే. ఫస్ట్ టైం పవర్ స్టార్ లాయర్ పాత్రలో నటించడంతో ఇండస్ట్రీ రికార్డుల వైపు కన్నేశారు పవర్ స్టార్ ఫ్యాన్స్. రోజురోజుకి అంచనాలు పెరుగుతున్న ఈ సినిమా విడుదల గురించి ఫ్యాన్స్ ఎంతో ఆత్రంగా ఎదురుచూస్తున్నారు. బిగ్ బి అమితాబ్ బచ్చన్ నటించిన పింక్ సినిమాకు ఆఫీసియల్ రీమేక్ ఇది. ఈ సినిమాలో హీరోయిన్ నివేత థామస్, అంజలి ముఖ్యపాత్రలు పోషిస్తుండగా.. శృతిహాసన్ పవన్ భార్యగా కనిపించనుంది. ఓవైపు ఈ సినిమాకు సంబంధించిన అన్నీ పనులు పూర్తి అవుతుండగా.. వకీల్ సాబ్ ఫస్ట్ లుక్ నుండి మూవీ సోషల్ మీడియాలో ట్రెండ్ అవుతూనే ఉంది.

ఇటీవల వకీల్ సాబ్ టీజర్ యూట్యూబ్ లో విడుదల చేసేసారు మేకర్స్. మిలియన్స్ లో పరుగులు పెడుతున్న వకీల్ సాబ్ టీజర్ సినిమా పై మరింత హైప్ క్రియేట్ చేస్తోంది. అయితే తాజాగా ఈ సినిమా గురించి డైరెక్టర్ వేణు శ్రీరామ్ పలు విషయాలు బయటపెట్టాడు. అయితే వకీల్ సాబ్ సినిమా కోసం పింక్ నుండి చాలా మార్పులు చేసాం. తెలుగు నేటివిటీకి తగ్గట్టుగా పవన్ కళ్యాణ్ క్యారెక్టర్, సినిమా కథాకథనాలు డిజైన్ చేసాం. అయితే వకీల్ సాబ్ లో హైలైట్ అయ్యే సన్నివేశాలు ఎన్ని ఉన్నాయో తెలియదు గాని డైరెక్టర్ మాత్రం ఏదో ఓ సీన్ గాల్లో పేపర్స్ ఎగరేసేలా ఉంటుందని చెప్పుకొచ్చాడు. మరి ఆ సీన్ ఏంటి.. సినిమాలో ఎప్పుడొస్తుంది అనే చర్చలలో మునిగిపోయారు ఫ్యాన్స్. అయితే ఇదివరకు చెప్పినట్లు క్లైమాక్స్ కోర్టులో వాదించే సీన్స్ అయ్యుంటాయని ఇండస్ట్రీ టాక్. తమన్ సంగీతం అందిస్తున్న ఈ సినిమాలో హైలైట్ అయ్యే సీన్ ఏంటో చూడాలి మరి!