టాలీవుడ్ యువ హీరో ఫుల్ ఫోకస్ బాలీవుడ్ పైనే..?

యువ హీరో బెల్లంకొండ సాయి శ్రీనివాస్ 'అల్లుడు శ్రీను' సినిమాతో ఎంట్రీ ఇచ్చి.. మాస్ ఆడియన్స్ కి దగ్గరయ్యే ప్రయత్నాలు చేస్తూ వస్తున్నాడు. అయితే సడన్ గా బాలీవుడ్ లో మూవీ అనౌన్స్ చేసి అందరికీ షాక్ ఇచ్చాడు. రాజమౌళి దర్శకత్వంలో వచ్చిన సూపర్ హిట్ మూవీ 'ఛత్రపతి' ని వీవీ వినాయక్ దర్శకత్వంలో సాయి శ్రీనివాస్ హిందీలో రీమేక్ చేస్తున్నాడు. పెన్ స్టూడియోస్ బ్యానర్ పై డా.జయంతిలాల్ ఈ ప్రాజెక్ట్ ని నిర్మిస్తున్నాడు. అయితే అల్లుడు శ్రీను ని బాలీవుడ్ లో లాంఛ్ చేయ‌డానికి అస‌లు కార‌ణం అతని హిందీ డ‌బ్బింగ్ సినిమాల‌కి బాలీవుడ్ మార్కెట్ ఎక్కువుగా ఉన్న ఉత్త‌ర‌ప్ర‌దేశ్ లో వ్యూయ‌ర్ షిప్ రావ‌డమేన‌ని తెలుస్తోంది. 'అల్లుడు శ్రీను' 'స్పీడున్నోడు' 'సీత' 'జయ జానకీ నాయక' 'కవచం' 'సాక్ష్యం' వంటి చిత్రాలు హిందీలో డబ్‌ కాబడి యూట్యూబ్‌ లో మిలియన్ల కొలదీ వ్యూస్ అందుకున్నాయి.

ఈ విధంగా ఉత్తరాది ప్రేక్షకుల్లో కూడా స్పెషల్ ఇమేజ్ ఏర్పరచుకున్న బెల్లంకొండ శ్రీనివాస్.. 'ఛ‌త్ర‌ప‌తి' వంటి మాస్ మ‌సాలా కమర్షియల్ ఎంట‌ర్టైన‌ర్ తో హిందీలో లాంఛ్ అయితే అక్కడ ఫాలోయింగ్ ని ఇంకాస్త పెంచుకోవచ్చనేది అల్లుడు శ్రీను టీమ్ మాస్ట‌ర్ ప్లాన్ అని తెలుస్తోంది. ఈ హిందీ రీమేక్ కి సాయి శ్రీనివాస్ తండ్రి బెల్లంకొండ సురేష్ ఫైనాన్స్ స‌మ‌కూరూస్తున్న‌ట్లుగా టాక్ వినిపిస్తోంది. ఇందులో హీరోయిన్ గా బాలీవుడ్ బ్యూటీస్ అనన్య పాండే లేదా పరిణీతి చోప్రాని తీసుకునే అవ‌కాశం ఉంద‌ని బీ టౌన్ లో అనుకుంటున్నారు. ఏదేమైనా 'అల్లుడు అదుర్స్' సినిమా త‌రువాత బెల్ల‌కొండ శ్రీనివాస్ ఫుల్ ఫోకస్ బాలీవుడ్ మీద పెట్ట‌బోతున్నాడని తెలుస్తోంది. ఈ క్రమంలోనే తన తమ్ముడిని హీరోగా లాంచ్ చేయడానికి ప్లాన్స్ చేస్తున్నారు. ఇకపోతే సాయి శ్రీనివాస్ నటించిన లేటెస్ట్ మూవీ 'అల్లుడు అదుర్స్' సంక్రాంతి సందర్భంగా ఈ నెల 15న విడుదల కానుంది.