ట్రైలర్ టాక్: షాదీ ముబారక్.. సరదా పెళ్లిచూపులు!

పాపులర్ టీవీ సీరియల్ మొగలిరేకులు తెలుగు ప్రేక్షకులకు బాగానే గుర్తుండి ఉంటుంది. ఎందుకంటే ఆ సీరియల్ కొన్నేళ్లపాటు ప్రసారం అయింది. అలాగే ఆ సీరియల్ లో పోలీస్ ఆర్కే నాయుడు అలియాస్ సాగర్ అంటే అందరికి సుపరిచితమే. ప్రస్తుతం సాగర్ మెయిన్ హీరోగా సినిమాలు చేస్తూ తన అదృష్టం పరీక్షించుకుంటున్నాడు. సాగర్ ఇదివరకే హీరోగా అరంగేట్రం చేసేసాడు. కానీ సరైన బ్రేక్ లభించలేదు. అయితే ఇప్పుడు తాజాగా షాదీ ముబారక్ అనే రొమాంటిక్ కామెడీ మూవీతో ప్రేక్షకుల ముందుకు రాబోతున్నాడు. ఇటీవలే షాదీ ముబారక్ సినిమా ట్రైలర్ విడుదల చేశారు మేకర్స్. ట్రైలర్ చూస్తే చాలా సరదాగా సాగిపోతుంది. ట్రైలర్ చూస్తే ఈ సినిమా కథ.. ఒక క్యాబ్‌లో పెళ్లిచూపులు ఏర్పాటు చేస్తే కలిసిన ఇద్దరు వ్యక్తుల కథ ఇది.

తగిన వధువు కోసం భారతదేశానికి వచ్చిన ఒక ఎన్నారై యువకుడి కథ ఇది. హీరో సిగ్గుపడే ఎన్నారై అయితే, హీరోయిన్ ఓపెన్ మైండెడ్ మోడరన్ అమ్మాయి. ఈ రెండు పాత్రలు చాలా ఆసక్తికరంగా ఉన్నాయి. వారిద్దరి మధ్య సంబంధం ఎలా పెళ్లి సెట్ అయింది.. అనేది మెయిన్ ప్లాట్ అని అర్ధమవుతుంది.  నిజానికి ఇలాంటి కథలు పేపర్ పై రాయడానికి ఈజీగానే అనిపిస్తుంది. కానీ మేకర్స్ సినిమాగా ఎంత న్యాయం చేసారనేది చూడాలి. ఈ సినిమాకు పద్మశ్రీ దర్శకత్వం వహించగా.. దృశ్యం రఘునాథ్ హీరోయిన్ గా నటించింది. అలాగే ఈ సినిమాలో రాహుల్ రామకృష్ణ, హేమ, బెనర్జి, అతిథి మయాంకల్ ఇతరులు కనిపిస్తున్నారు. మొత్తానికి స్టార్ ప్రొడ్యూసర్ దిల్ రాజు ee సినిమాకు మద్దతుగా నిలవడంతో ఈ సినిమా మార్చ్ 5న ప్రేక్షకుల ముందుకు రాబోతుందని ఇండస్ట్రీ టాక్. చూడాలి మరి సాగర్ అదృష్టం ఎలా ఉందో!