ట్రైలర్ టాక్: 'డైరెక్టర్' ఎలాంటి సినిమా చూపిస్తాడో..!

ఆశిష్ గాంధీ - ఐశ్వర్య రాజ్ భకుని హీరోహీరోయిన్లుగా కిరణ్ పొన్నాడ మరియు కార్తీక్ కృష్ణ దర్శకత్వంలో తెరకెక్కిన చిత్రం ''డైరెక్టర్''. 'You can't see what I can see' (నేను చూడగలిగేదాన్ని మీరు చూడలేరు) అనేది దీనికి ఉపశీర్షిక. విజన్ సినిమాస్ - దీపాల ఆర్ట్స్ బ్యానర్స్ పై నాగం తిరుపతి రెడ్డి - శ్రీకాంత్ దీపాల ఈ చిత్రాన్ని నిర్మిస్తున్నారు. ఈ చిత్రానికి సాయి కార్తీక్ సంగీతం సమకూర్చాడు. ఆదిత్య వర్ధన్ సినిమాటోగ్రఫీ అందించగా.. నాగేశ్వర్ రెడ్డి ఎడిటింగ్ వర్క్ చేస్తున్నారు. తాజాగా ఈ సినిమాకి సంబంధించిన ట్రైలర్ ను చిత్ర యూనిట్ విడుదల చేసింది.

సినిమా డైరెక్టర్ అవ్వాలనే లక్ష్యంతో ప్రయత్నాలు చేస్తున్న యువకుడి జీవితంలో ఎలాంటి పరిణామాలు చోటు చేసుకున్నాయనే నేపథ్యంలో ఈ సినిమా రూపొందింది. అయితే ఇందులో హీరోకి మాత్రమే కనిపించే ఓ పాత్రను క్రియేట్ చేసి హర్రర్ అంశాలను జోడించారు. ఇక హీరోయిన్ ఐశ్వర్య అందంగా ఉండటంతో పాటు గ్లామరస్ గా కనిపించింది. ఎలాంటి డైలాగ్స్ లేకుండా కేవలం సాయి కార్తీక్ అందించిన బ్యాగ్రౌండ్ స్కోర్ తోనే కట్ చేసిన 'డైరెక్టర్' ట్రైలర్ ఒకింత ఆసక్తికరంగా ఉంది.