త్రివిక్రమ్ మళ్ళీ అదే ప్లాన్ తో వచ్చాడే!

'అజ్ఞాతవాసి'కి ఏరికోరి మరీ అనిరుద్ ని ఎంచుకొని తెలుగులో మ్యూజిక్ డైరెక్టర్ గా అవకాశం ఇచ్చాడు త్రివిక్రమ్. అనిరుద్ తో మ్యూజిక్ సిట్టింగ్స్ లో కూర్చొని సినిమాకు ఆకర్షణగా నిలిచే ఓ సాంగ్ ను కంపోజ్ చేయించుకున్నాడు.' బయటికొచ్చి చూస్తే' అంటూ మొదలయ్యే ఆ పాటకు సంబంధించి రిలీజ్ కి ముందే శాంపిల్ వదిలాడు. ఆ చిన్న బిట్ సాంగ్ అందరినీ ఎట్రాక్ట్ చేసి రింగ్ టోన్స్ కలర్ టోన్స్ గా మారిపోయింది. రిలీజ్ అయ్యాక ఆ సాంగ్ ఆల్బం కే హైలైట్ గా నిలిచింది.

ఇప్పుడు అదే ప్లాన్ ను మళ్ళీ ఫాలో అయ్యాడు త్రివిక్రమ్. తమన్ తో కలిసి ఓ సాఫ్ట్ మెలోడి ట్యూన్  కంపోజ్ చేయించి దాన్ని సిరివెన్నెల చేతిలో పెట్టాడు. ఆయన ఆ ట్యూన్ కి అదిరిపోయే లిరిక్స్ ఇచ్చాడు. ఫైనల్ గా ఆ సాంగ్ ను సింగర్ గా  సత్తా చాటుతున్న సిద్ శ్రీరాం తో పాడించి రిలీజ్ కి ముందుగా శాంపిల్ వదిలాడు త్రివిక్రమ్. ఆ బిట్ సాంగ్ మ్యూజిక్ లవర్స్ ని ఎట్రాక్ట్ చేసింది. ఇక అదే సాంగ్ ను తమన్ - సిద్ శ్రీరాం లతో షూట్ చేసి ఫుల్ సాంగ్ రిలీజ్ చేసారు.

ఇప్పుడీ సాంగ్ ట్రెండింగ్ ఉంది. 'అజ్ఞాత వాసి' సాంగ్ లాగే వైరల్ అయింది కూడా. ఇక సినిమాలో ఈ సాంగ్ ను బన్నీ - పూజా హెగ్డే లపై ఎలా చిత్రీకరించి ఉంటారనే ఎగ్జైట్ మెంట్ తో ఎదురుచూస్తున్నారు బన్నీ ఫ్యాన్స్. అయితే 'అజ్ఞాతవాసి' లో బయటికొచ్చి చూస్తే సాంగ్ కంపోజింగ్ అందరినీ నిరాశపరిచిన సంగతి తెలిసిందే. ఆ సాంగ్ విజువల్ గా పవన్ ఫ్యాన్స్ ను కూడా ఆకట్టుకోలేకపోయింది. అంత దారుణంగా షూట్ చేసారు. మరి 'అల వైకుంఠపురములో' వైరల్ అయిన ఈ సాంగ్ ను ఇప్పుడు  త్రివిక్రమ్ అండ్ టీం షూట్ చేస్తారో విజువల్ గా ఎలా ఎట్రాక్ట్ చేస్తారో...? అనే డిస్కర్షన్ నడుస్తుంది.