త్రివిక్రమ్ టార్గెట్ సెట్ అయ్యింది

పండగ వాతావరణంలో సినిమాలు రిలీజ్ అయితే ఆ మజనే వేరు. అందరు మంచి మూడ్ లో ఉంటారు కాబట్టి ఎలాంటి సినిమా అయినా కొంచెం నచ్చినా చాలు హిట్టవ్వడం పక్కా. గతంలో యావరేజ్ అనుకున్న సినిమాలు కూడా మంచి వసూళ్లను అందుకున్నాయి. స్టార్ హీరోల సినిమాల అయితే అయితే ప్రత్యేకంగా చెప్పనక్కర్లేదు. విడుదలకు ముందే పండగ స్టార్ట్ అయినట్టే ఉంటుంది. సినిమా బావుంది అంటే ఓ వారం వరకు ఆ వెధర్ లో చేంజ్ ఉండదు.

ఇక అసలు మ్యాటర్ లోకి వస్తే.. అజ్ఞాతవాసి సినిమాతో పవన్ ఫ్యాన్స్ కు సంక్రాంతి పండగ చప్పగా జరిపించుకునేలా చేసిన దర్శకుడు త్రివిక్రమ్ ఈ సారి దసరా నాడు మాత్రం ఎన్టీఆర్ అభిమానులకు అలాంటి ఫీలింగ్ ఇవ్వద్దని అనుకుంటున్నాడు. తారక్ ఫ్యాన్స్ అని కాకుండా అన్ని వర్గాల ప్రేక్షకులకు నచ్చేలా మళ్లీ తన టాలెంట్ ను నిరూపించుకోవాలని దర్శకుడు ప్రయత్నాలు చేస్తున్నాడు. సినిమా ఎలాగైనా దసరా కానుకగా తీసుకురావాలని ఎన్టీఆర్ కూడా చర్చలు జరుపుతున్నాడాట. అందుకు తగ్గట్టుగా షూటింగ్ షెడ్యూల్స్ ని ప్లాన్ చేసుకుంటున్నారు.

రెగ్యులర్ షూటింగ్ అయితే ఈ నెల 26 నుంచి మొదలు కానుంది. ప్రస్తుతం సినిమా ప్రీ ప్రొడక్షన్ పనులతో దర్శకుడు త్రివిక్రమ్ చాలా బిజీగా ఉన్నాడు. అప్పుడప్పుడు తారక్ కూడా త్రివిక్రమ్ తో జాయిన్ అవుతున్నాడు. కథకు తగ్గట్టు ప్రతి పాత్ర ఎలా ఉండాలి అనే విషయాలపై చర్చలు జరుపుతున్నారట. దాదాపు స్క్రిప్ట్ పనులు అయితే ఎండ్ అయ్యాయి. ఇక సినిమాలో ఏ క్యారెక్టర్స్ ఎవరికి ఇవ్వాలి అనే అంశంతో ప్రస్తుతం బిజీగా ఉన్నట్లు తెలుస్తోంది. త్వరలోనే ఆ విషయాలను తెలిపి సినిమాను దసరా టైమ్ లో రిలీజ్ చేసేందుకు దర్శకుడు ప్లాన్ చేసున్నట్లు సమాచారం.