వకీల్ సాబ్ 'బిజినెస్'కు తగ్గ వసూళ్లు రాబడుతుందా..??

పవర్ స్టార్ పవన్ కళ్యాణ్ మూడేళ్లు విరామం తర్వాత 'వకీల్ సాబ్' సినిమాతో సినీ రీఎంట్రీ ఇవ్వనున్న సంగతి తెలిసిందే. ఎంసిఏ ఫేమ్ వేణుశ్రీరామ్ దర్శకత్వం వహించాడు. నిజానికి వకీల్ సాబ్ మూవీ గతేడాది వేసవిలోనే విడుదల కావాల్సి ఉంది. కానీ కరోనా లాక్డౌన్ కారణంగా అన్ని సినిమాలతో పాటు ఇది కూడా వాయిదా పడింది. మళ్లీ ఏడాది కాలం తర్వాత అంటే ఈ వేసవిలో ప్రేక్షకుల ముందుకు రానుంది. భారీ అంచనాల నడుమ వకీల్ సాబ్ ఏప్రిల్ 9న విడుదల కాబోతుంది. ఇప్పటికే పోస్టర్స్, టీజర్లతో పాటు పాటలతో ఈ సినిమా పై భారీ అంచనాలే నెలకొన్నాయి. ఏడాదిపాటుగా వకీల్ సాబ్ పాత్రలో పవర్ స్టార్ ను చూడాలని అభిమానులు ఉత్సాహంగా ఉన్నారు.

బిగ్ బి అమితాబ్ నటించిన పింక్ సినిమాకు రీమేక్ ఇది. తాజా సమాచారం ప్రకారం.. పవన్ కళ్యాణ్ అభిమానులు ప్రీ-రిలీజ్ సెలెబ్రేషన్స్ చేయడానికి సిద్ధం అవుతున్నారట. ఎందుకంటే సినిమా విడుదలకు ఇరవై రోజుల టైం మాత్రమే ఉంది. ఓ రకంగా పవర్ స్టార్ ఫ్యాన్ బేస్ చూస్తే దేశవ్యాప్తంగా ఉందనేది విదితమే. అయితే ఇంతవరకు వకీల్ సాబ్ ప్రమోషన్స్ ప్రారంభం కాలేదు. ఆల్రెడీ సినిమా పై జనాల్లో ఓ స్థాయి హైప్ ఉంది. ప్రమోషన్స్ కూడా చేయకపోతే జనాల్లో హైప్ కోల్పోయే అవకాశం ఉంది. అందుకే చిత్రబృందం ప్రీ-రిలీజ్ ప్రమోషన్స్ ఏర్పాట్లు ముమ్మరంగా చేస్తున్నారట. అయితే నిర్మాత దిల్ రాజు ఈ సినిమా ఆంధ్రా హక్కులను 40కోట్లకు అమ్మినట్లు సమాచారం. అన్నికోట్ల బిజినెస్ అంటే ఇదే హైలైట్. మరి ఇప్పుడు దిల్ రాజు పై ప్రెషర్ పడే అవకాశం ఉంది. అన్నికోట్లు రాబట్టాలంటే సినిమాను ఏ రేంజిలో ప్రమోట్ చేయాలి. మరి సినిమా బాక్సాఫీస్ వద్ద ఏ విధంగా సంచలనం సృష్టిస్తుందో వేచి చూడాలి.