హీరో కూతురు 'శక్తి'

ఎక్కువగా స్టార్ హీరోల పిల్లలు సినీ రంగాల్లో రాణించడం చూస్తూనే ఉంటాం. ప్రస్తుత రోజుల్లో అన్ని ఇండస్ట్రీలలో సెలబ్రెటీల కుటుంబాల నుంచి చాలా మంది నటి నటులే ఉన్నారు. అయితే అబ్బాయిలు చాలా మంది ఉన్నా అమ్మాయిలు మాత్రం చాలా తక్కువ ఉన్నారని చెప్పవచ్చు. మెగాస్టార్ ఫ్యామిలీ నుంచి నాగబాబు కుమార్తె కొణిదెల నిహారికా ఇప్పటికే ఒక సినిమా తీసి హీరోయిన్ గా ఒక అడుగు వేసిన సంగతి తెలిసిందే.

అయితే ఇప్పుడు అదే తరహాలో మరో స్టార్ హీరోయిన్ తెలుగులో అదృష్టం పరిక్షించుకుంటోంది. ఆమె ఎవరో కాదు తమిళ్ స్టార్ హీరో శరత్ కుమార్ కూతురు వరలక్ష్మి శరత్ కుమార్. ఆమె తమిళ్ కొన్ని సినిమాలను చేసింది. కానీ తెలుగులో ఇంతవరకు ఆమెకు సంబంధించినటువంటి ఏ సినిమా రాలేదు. అయితే ఈ సారి తెలుగు- తమిళ్ ఒకేసారి తెరకెక్కుతున్న శక్తి అనే సినిమా ద్వారా టాలీవుడ్ లో తన అదృష్టాన్ని పరీక్షించుకోబోతోంది.

రీసెంట్ గా రానా దగ్గుపాటి సినిమా ఫస్ట్ లుక్ ని రిలీజ్ చేశాడు. ప్రముఖ తమిళ్ సీనియర్ దర్శకుడు ప్రియదర్శిని ఈ సినిమాను తెరకెక్కిస్తున్నాడు. శక్తి అనే పేరుతో తెలుగులో ఇంతకుముందు ఎన్టీఆర్ ఒక సినిమాను చేసిన సంగతి తెలిసిందే. ఆ సినిమా భారీ డిజాస్టర్ గా నిలిచింది. మరి హీరోకి హిట్ ఇవ్వని ఆ శక్తి వరలక్ష్మికి హిట్ ఇస్తుందో లేదో చూడాలి.