బాహుబలికి మెగా హీరో అడ్డొస్తున్నాడా?

టాలీవుడ్ సినిమా రిలీజ్ ల విషయంలో మూడు నాలుగు నెలల ముందే ప్లానింగ్స్ చేసుకోవాల్సి వస్తోంది. ఆఖరి నిమిషంలో రిలీజ్ డేట్ ను అనౌన్స్ చేసి.. అందుకు తగ్గట్లుగా థియేటర్లను పొందగలగడం కష్టంగా ఉంది. అందుకే ముందే రిలీజ్ డేట్ ఇచ్చేసి.. ఆ రోజుకు వచ్చేలా ప్లానింగ్స్ చేసుకుంటున్నారు. మెగా ఫ్యామిలీ హీరో వరుణ్ తేజ్- శ్రీనువైట్ల దర్శకత్వంలో రూపొందుతున్న మిస్టర్ మూవీ రిలీజ్ డేట్ విషయంలో నిర్మాతల నుంచి ఓ క్లారిటీ వచ్చింది.

ఇప్పటికే 80 శాతం షూటింగ్ పూర్తి చేసుకున్న మిస్టర్ మూవీకి సంబంధించి.. ఇంకా రెండు పాటలు..క్లైమాక్స్ ఎపిసోడ్ మాత్రమే పెండింగ్ ఉన్నాయట. వీటిని కూడా పూర్తి చేసేసి.. ఏప్రిల్ 14న మిస్టర్ ను విడుదల చేస్తామంటున్నారు నిర్మాతలు. అంటే.. సరిగ్గా బాహుబలి2 విడుదల తేదీ ఏప్రిల్ 28కి..  రెండు వారాల ముందు అన్న మాట. బాహుబలి లాంటి భారీ చిత్రానికి ముందు విడుదల చేయడం అంటే రిస్క్ అనే మాట వినిపిస్తోంది.

పవన్ కళ్యాణ్ మూవీ కాటమరాయుడును ఉగాది సందర్భంగా మార్చ్ చివరలో విడుదల చేస్తామని చెప్పారు. ఆ తర్వాత రెండు వారాలకు మిస్టర్ విడుదల కానుందన్న మాట. బాహుబలి ది కంక్లూజన్ విడుదలకు మరో 2వారాలు గ్యాప్ ఉంటుంది కాబట్టి.. సేఫ్ జోన్ లోకి వచ్చేందుకు ఈ సమయం సరిపోతుందని అంటున్నారు టాలీవుడ్ జనాలు. కాకపోతే ఈ సినిమాలకు మధ్యలో అల్లు అర్జున్ డిజె దువ్వాడ జగన్నాథమ్ కూడా ఉందండోయ్. ఇదేదో మెగా బాక్సాఫీస్ వార్ ల మారిందే!!

Like Us on Facebook : https://www.facebook.com/Tupakidotcom/