వెంకీ ఫన్ అండ్ ఫ్రస్ట్రేషన్ రానాపైనా??

టాలీవుడ్ లో ఒకే ఫ్యామిలీ చెందిన హీరోలు చాలా మందే ఉన్నారు కానీ వారు కలిసి ఎక్కువగా సినిమాలను తీయలేదు. ఎప్పుడో ఒక్కసారికి ఎనౌన్సమెంట్ చేయడమే గాని సినిమాని సెట్స్ పైకి తీసుకెళ్లే ప్రయత్నం చేయలేదు. కేవలం గెస్ట్ పాత్రలకే పరిమితమవుతున్నారు. అయితే మల్టి స్టారర్ హీరో వెంకటేష్ మాత్రం ఇప్పుడు వారి అబ్బాయితో మల్టి స్టారర్ ని సెట్స్ పైకి తీసుకెళ్లడానికి ప్రయత్నాలు చేస్తున్నాడు. ఇక్కడ అబ్బాయి అంటే రానా అనే విషయం తెలిసిందే.

రానా తో కలిసి ఇప్పుడు స్క్రీన్ షేర్ చేసుకోడానికి రెడీ అయ్యాడట వెంకీ. గతంలో అనిల్ రావిపూడి F2: ఫన్ & ఫ్రస్ట్రేషన్ అనే సినిమాను ఎనౌన్స్ చేసిన సంగతి తెలిసిందే. అయితే ఆ కాన్సెప్ట్ కి వెంకటేష్ ఇప్పటికే గ్రీన్ సిగ్నల్ ఇచ్చేశాడు. ఇక రానా కూడా ఆ కామెడీ కథకి ఒకే చెబితే త్వరలోనే సినిమా పట్టాలెక్కనుంది. రాజా ది గ్రేట్ సినిమాతో స్టార్ డైరెక్టర్ గా మంచి కమర్షియల్ గుర్తింపు తెచ్చుకున్న అనిల్.. F2 తో మరో హిట్టు కొట్టాలని చూస్తున్నాడు. నిజానికి గతంలో పటాస్ కథను మొదట రానాకే చెప్పాడట అనిల్.. కానీ అతను ఒప్పుకొక్కపోవడంతో ఆ కథ కళ్యాణ్ రామ్ దగ్గరికి వెళ్లింది. ఇక ఇప్పుడు F2: ఫన్ & ఫ్రస్ట్రేషన్ సినిమాతో రానా ని డైరెక్ట్ చేయాలనీ అనుకుంటున్నాడు ఈ యువ దర్శకుడు.

మొదట సాయి ధరమ్ తేజ్ ఈ సినిమాలో వెంకీతో జతకడుతున్నాడని వార్తలు వచ్చాయి కానీ ఫైనల్ గా ఈ ప్రాజెక్ట్ లో వెంకీ రానానే సెట్ అవుతున్నాడని టాక్. ప్రస్తుతం అనిల్ పూర్తి కథను సెట్ చేసుకునే పనిలో ఉన్నట్లు తెలుస్తోంది. ఆ పని పూర్తికాగానే సినిమా పట్టాలెక్కనుంది.