ఈ సారి డబుల్ ఫన్.. F2

అప్పట్లో జంధ్యాల - ఇవివి. సత్యనారాయణ సినిమాలు విడుదల అవుతున్నాయంటే చాలు థియేటర్స్ లో నవ్వుల జల్లులు కురిసేవి. ఆ తర్వాత చాలా మంది దర్శకులు ఫుల్ ఎంటర్టైన్మెంట్ సినిమాలను ఎంచుకున్నా కూడా తర్వాత వేరే సినిమాలను ఎంచుకునేవారు. కానీ రీసెంట్ గా రాజా ది గ్రేట్ సినిమాతో హ్యాట్రిక్ హిట్ అందుకున్న యువ దర్శకుడు అనిల్ రవి పూడి మాత్రం మళ్లీ జంధ్యాల - ఇవివి గారిని గుర్తు చేస్తున్నాడు.

వారి స్థాయితో పోల్చలేము గాని తన వర్క్ తో ఒకే అనిపించే ఎంటర్టైన్మెంట్ ని ఇస్తున్నాడని చెప్పవచ్చు. ప్రస్తుతం ఈ యువ దర్శకుడికి ఆఫర్స్ బాగానే వస్తున్నాయి. మొన్నటి వారికి కొందరి హీరోలతో కమిట్ అయ్యాడని రూమర్స్ వచ్చాయి కానీ ఫైనల్ గా తన నెక్స్ట్ సినిమా గురించి అనిల్ ఫుల్ క్లారిటీ ఇచ్చేశాడు. నెక్స్ట్ F2 (ఫన్ అండ్ ఫ్రాస్ట్రేషన్) అనే టైటిల్ తో తో రాబోతున్నాడట. టైటిల్ లోనే సినిమా ఎలా ఉంటుందో చెప్పేశాడనిపిస్తోంది. ఇక ఈ సినిమా మల్టి స్టారర్ కథ అని తెలుస్తోంది.

ఇప్పటికే వెంకటేష్ ని ఫైనల్ చేశాడని టాక్. ఇంతకుముందు అనిల్ వెంకీ మసాలా సినిమాకి డైలాగ్స్ రాశాడు. ఆ సినిమాలో వెంకీ ఇంగ్లీష్ డైలాగ్స్ బాగా పేలాయి. దీంతో ఈ సారి ఇద్దరి హీరోలతో ఫుల్ ఫన్ ని ఇవ్వనున్నాడట ఈ టాలెంటెడ్ దర్శకుడు. ఇక మరి కొన్ని రోజుల్లో పూర్తి వివరాలను తెలియజేస్తానని చెప్పాడు.