దెయ్యంతో కారులో కుర్ర హీరో షికార్లు

మన హీరోలు ప్రయోగాలు చేస్తే చాలా బావుంటుంది కానీ ఎక్కువగా ఫ్యాన్స్ గురించి అలోచించి భయపడతారు అనే ఒక టాక్ ఉంది. అందుకే మల్టి స్టారర్ మరియు హారర్ సినిమాల్లో ఎక్కువగా కనిపించరు. ముఖ్యంగా హారర్ సినిమాల్లో ఇప్పుడున్న స్టార్ హీరోలు ఇంతవరకు ఒక్కటి కూడా చేయలేదు. ఏదో నాగ్ ఒక్కడే ఓ చిన్ని ప్రయత్నం చేశాడు కాని.. అది కూడా అంతగా కిక్కివ్వలేదు. దెయ్యాలతో స్టార్ హీరో కనిపిస్తే ఆ థ్రిల్లింగ్ కొత్తగా ఉంటుంది. ఇక మీడియం హీరోలు మాత్రం అప్పుడపుడు ట్రై చేస్తున్నారు. వారిలో ఇప్పుడు విజయదేవరకొండ చేరిపోయాడు.

చేసింది కొన్ని సినిమాలే అయినా డిఫెరెంట్ గా కనిపించిన అర్జున్ రెడ్డి హీరో ఇప్పుడు హారర్ కథలో కూడా కనిపించబోతున్నాడు. రాహుల్ సంక్రిత్యాన్ దర్శకత్వంలో విజయ్ ట్యాక్సీ వాలా అనే సినిమా చేస్తోన్న సంగతి తెలిసిందే. ఆ సినిమా మొదట మాస్ యాక్షన్ మూవీ అనుకున్నారు. కానీ హారర్ తరహాలో ఉంటుందట. ఈ కథలో విజయ్ తో ఓ ఆడ దెయ్యం ఫ్రెండ్షిప్ చేస్తుందట.  ముందుగా షికారు అనే టైటిల్ ని అనుకున్న సంగతి తెలిసిందే. షి అంటే మహిళ.. ఆ తరువాత 'కారు' కాబట్టి.. కాబట్టి 'షికారు' టైటిల్ ఉంచాలని అనుకున్నప్పటికీ మాస్ ఆడియెన్స్ ని దృష్టిలో ఉంచుకొని మార్చాలి వచ్చిందట. ఆ సినిమా మొత్తం కారులో లేడీ దెయ్యం అనే కాన్సెప్టు ఎక్కువగా ఉంటుందట.

ఇక దాదాపు సినిమా వర్క్ ఎండింగ్ కు వచ్చేసింది. ఈ చిత్ర దర్శకుడు రాహుల్ ఇంతకు ముందు ది ఎండ్ అనే సినిమా చేశాడు. అది కూడా థ్రిల్లర్ తరహాలో వచ్చినదే. మరి ఈ సరికొత్త కాన్సెప్ట్ తో విజయ్ మరో ట్రెండ్ సెట్టర్ హిట్టు కొడతాడో లేదో చూడాలి. రేపు సినిమాకు సంబందించిన ఫస్ట్ లుక్ ని చిత్ర యూనిట్ రిలీజ్ చేయనుంది.