లేట్ ఏజ్ లో లేడీ బాస్ కిక్ చూశారా

వ‌య‌సు న‌ల‌భైకి చేరువైతే కీళ్ల నొప్పులో రామ‌చంద్రా! అంటూ చేతులెత్తేస్తున్న రోజులివి. కీళ్ల నొప్పులు న‌డుము నొప్పులు ఆయాసం ఉబ్బ‌సం అంటూ ఒగిర్చేస్తున్నారు. అలాంటి వాళ్లంద‌రికి లేడీబాస్ ఇచ్చిన ఈ కిక్కు స్ఫూర్తినిస్తుంద‌న‌డంలో సందేహం లేదు.

లేట్ ఏజ్ లోనూ.. పైగా 40 బార్డ‌ర్ క్రాస్ చేశాక కూడా లేడీ బాస్ విజ‌య‌శాంతి లెగ్ మూవ్ మెంట్ చూస్తుంటే.. ఎదుట ఉన్న వ్య‌క్తి మెడ‌పైకి కాలు ఎత్తి కిక్ ఇస్తున్న తీరు చూస్తుంటే.. వామ్మోవ్! అంటూ గుండెలు అవిసిపోవాలంతే. ఈ కిక్ కి మాస్ట‌ర్ కిక్ అంటూ కామెంట్ ని జోడించి మ‌రీ అనీల్ రావిపూడి సోష‌ల్ మీడియాలో వీడియోని షేర్ చేయ‌డంతో అది కాస్తా యువ‌త‌రం వాట్సాపుల్లో జోరుగా వైర‌ల్ అయిపోతోంది. లేడీ సూప‌ర్ స్టార్ విజ‌య‌శాంతి ఉన్న ఫ‌లంగా ఐదున్న‌ర అడుగుల ఎత్తు ఉన్న బ్ర‌హ్మాజీ భుజం పైకి కాలు ఎత్తి ఫిల్ట్ ఇచ్చే ప్ర‌య‌త్నం చేశారు. ఆ ఏజ్ లో ఏమి స‌త్తువ‌! అంటూ చూసేవాళ్లంతా స్ట‌న్న‌యిపోయారంతా.

దాదాపు పదమూడేళ్ల తరువాత వెండితెరపై రీ ఎంట్రీ ఇచ్చిన‌ లేడీ అమితాబ్‌ విజయశాంతి త‌న‌లో ఇంకా ఆ స‌త్తువ అలానే ఉంద‌ని నిరూపించారు. సరిలేరు నీకెవ్వరు చిత్రంలో పవర్‌ఫుల్‌ పాత్రలో తనదైన నటనతో ఆకట్టుకున్నారు. ప్రొఫెసర్‌ భారతిగా అభిమానులను అలరించారు. ఈ సినిమా సెట్స్ లోని అరుదైన వీడియోని అభిమానుల‌కు షేర్ చేశారు రావిపూడి. దీనిపై బ్రహ్మాజీ స్పందిస్తూ `కిక్‌ ఎవరికీ` అంటూ సరదాగా వ్యాఖ్యానించారు. `వావ్‌ సూపర్ అంటూ  నెటిజ‌నం ఈ వీడియోకి స్పందిస్తున్నారు. మ‌హేష్‌-ర‌ష్మిక‌-విజ‌య‌శాంతి త‌దిత‌రులు న‌టించిన స‌రిలేరు నీకెవ్వ‌రు సంక్రాంతి కానుక‌గా జ‌న‌వ‌రి 11న విడుద‌లై మూడు రోజుల్లో 50 కోట్ల షేర్ వ‌సూలు చేసిన సంగ‌తి తెలిసిందే.

వీడియో కోసం క్లిక్ చేయండి