డిస్ట్రిబ్యూటర్స్ హ్యాపీ.. నేను హ్యాపీ

చియాన్ విక్రమ్ చాలా ఏళ్ల తర్వాత తెలుగులో మంచి హిట్ కొట్టగలిగాడని చెప్పాలి. ఇంకొక్కడు చిత్రాన్ని అప్పుడే హిట్ కేటగిరీలో వేసేయడం కరెక్ట్ కాకపోయినా.. ఈ మూవీకి వస్తున్న వసూళ్లు కచ్చితంగా విక్రమ్ కి ఊరట కలిగించేవే. విక్రం సినిమాలు అసలు రిలీజ్ కావడమే గగనం అనే సమయంలో.. స్ట్రయిట్ సినిమాలకు పోటీగా ఇంకొక్కడు వసూళ్లు సాధించగలగడం విశేషం. ఈ రేంజ్ లో లభిస్తున్న ఆదరణతో.. తన సంతోషాన్ని పంచుకున్నాడు విక్రమ్.

'యాక్టర్ గా 25 సంవ‌త్స‌రాల‌ను పూర్తి చేసుకున్నా. ఈ ప్రయాణంలో అన్ని క్యారెక్ట‌ర్ లలోను ఎంజాయ్ చేస్తూనే న‌టించాను. ఎప్పటికప్పుడు అప్ డేట్ అవుతూ ముందుకు సాగిపోతున్నా. నాకంటే ముందు చాలామందే విల‌క్ష‌ణ‌మైన పాత్ర‌లు చేశారు. వారే వారంద‌రూ నాకు స్ఫూర్తి. మ‌రో విల‌క్ష‌ణ‌మైన చిత్రంగా ఇంకొక్క‌డు మీముందుకు వచ్చింది. ఈ చిత్రాన్ని తెలుగులో నీలం కృష్ణారెడ్డి రిలీజ్ చేశారు. ఏ యాక్టర్ కి అయినా సంతృప్తిని ఇచ్చే పాత్ర దొరికినపుడు ఆ ఫీలింగ్ వేరేలా ఉంటుంది. నాకు అలాంటి సంతృప్తిని ఇచ్చిన మూవీ ఇంకొక్క‌డు' అని చెప్పాడు విక్రమ్.

ఈ సినిమాను కొన్న డిస్ట్రిబ్యూట‌ర్స్ అంద‌రూ హ్యాపీగా ఉండ‌టం చూస్తే.. తనకెంతో సంతోషంగా ఉందని చెబుతున్నాడు విక్రమ్. తను రెగ్యుల‌ర్ క‌మ‌ర్షియ‌ల్ మూవీస్ ని.. విభిన్న కాన్సెప్ట్ సినిమాలను చేస్తున్నట్లు చెప్పిన చియాన్.. సామి సీక్వెల్ గా సామి 2 చేయ‌బోతున్నట్లు తెలిపాడు. తెలుగుతో పాటు.. కేర‌ళ‌ - క‌ర్ణాట‌క‌ల్లో కూడా ఇంకొక్కడు బాగా ఆడుతోందని.. బాగా ఆద‌రిస్తున్న ప్రేక్షకులకు థ్యాంక్స్ చెబుతున్నాడు ఇంకొక్కడు.