ఇది యాక్షన్ ప్యాక్డ్ కాంబినేషనా..

హీరోల కోసమే జనాలు సినిమాలకి వస్తారు. కానీ ఎంత టాప్ హీరో అయినా.. ఇంకెంత పర్ఫెక్షనిస్టైనా కొత్త చిత్రం ప్రారంభించబోతున్నాడంటే డైరెక్టర్ ఎవరు అనే పాయింటే చూస్తారు చాలామంది. ఆ డైరెక్టర్ కున్న హిట్ ట్రాక్ ని బట్టి తమ హీరో మూవీ ఎలా ఉండబోతుందో ఓ అంచనాకి వస్తారు. ఇప్పుడు హీరో విక్రమ్ సినిమాల విషయంలో ఇలాంటి ఆసక్తే కనిపిస్తోంది. చాలా ఏళ్ల తర్వాత ఇరుముగన్ తో డీసెంట్ హిట్ కొట్టి ఫామ్ లోకి వచ్చిన విక్రమ్ అప్ కమింగ్ ప్రాజెక్ట్స్ విషయంలో బాగా కేర్ ఫుల్ గా ఉన్నాడు. డైరెక్టర్ల ఎంపికలోనూ కాంప్రమైజ్ కావట్లేదు.

త్వరలో విక్రమ్- గౌతమ్ మీనన్ కాంబినేషన్లో మూవీ రాబోతుందని కోలీవుడ్ లో వినిపిస్తోంది. యాక్షన్.. లవ్.. క్రైమ్ థ్రిల్లర్ ఇలా జోనర్ ఏదైనా గౌతమ్ మీనన్ టేకింగ్ మాత్రం అద్భుతహా. ఓ వైపు శింబు లాంటి హీరోలతో రొమాంటిక్ మూవీస్ తీస్తూనే పెద్ద హీరోలతో కాప్ స్టోరీస్ తీయడం గౌతమ్ అలవాటు. కాక్కా కాక్కా.. రాఘవన్.. ఎన్నైఅరిందాల్ ఇలాంటివే. ఇప్పుడు విక్రమ్ తోనూ గౌతమ్ ఓ కాప్ బేస్డ్ మూవీ తీయనున్నాడట. విక్రమ్ కి కూడా స్ర్కిప్ట్ నచ్చిందట. ఇటు గౌతమ్.. అటు విక్రమ్ కి కొన్ని కమిట్ మెంట్స్ ఉన్నాయ్. అవి కంప్లీటైన తర్వాత ఈ మూవీని స్టార్ట్ చేస్తారని చెబుతున్నారు.

ఇప్పటికే సామీతో తనకి కెరీర్ బ్రేక్ హిట్ ఇచ్చిన హరితో సామీ సీక్వెల్ చేయనున్నాడు చియాన్. ఎస్ త్రీ రిలీజ్ తర్వాత హరి సామీ సీక్వెల్ మొదలు పెట్టేస్తాడు. అలాగే తన సొంత డైరెక్షన్ లో డోంట్ బ్రీత్ ని రీమేక్ చేయనున్న విక్రమ్ ఆ మూవీని కూడా వీలైనంత త్వరలో పూర్తి చేయనున్నాడు. ఈ రెండు పూర్తైన తర్వాత గౌతమ్ మీనన్ ప్రాజెక్ట్ పట్టాలెక్కనుంది. వన్స్ అన్నీ ఫైనలైజ్ అయితే 2017 సెకండాఫ్ లో ఈ రొమాంటిక్ యాక్షన్ డ్రామా స్టార్ట్ కానుంది. ముందే విక్రమ్ పర్ఫెక్షనిస్ట్. అలాంటి విక్రమ్ కి గౌతమ్ మీనన్ లాంటి పవర్ ప్యాక్డ్ డైరెక్టర్ సెట్ అయితే సంచలనాలు పక్కా అంటున్నారు ఫ్యాన్స్.

Like Us on Facebook : https://www.facebook.com/Tupakidotcom/