హలో.. నెక్ట్స్ ఎవరితో తీస్తాడో

దర్శకుడు విక్రమ్ కె కుమార్ పై టాలీవుడ్ జనాలకు ఫుల్ కాన్ఫిడెన్స్ ఉంది. ఇప్పటివరకూ తీసిన జోనర్ లో మళ్లీ సినిమా తీయకుండా.. ఓ సారి డీల్ చేసిన సబ్జెక్టును మళ్లీ టచ్ చేయకుండా సినిమాలు చేస్తూ ఆకట్టుకుంటున్నాడు. రీసెంట్ గా 24 అంటూ తెలుగు-తమిళ్ బై లింగ్యువల్ అంతగా ఆడలేదు. దీంతో కోలీవుడ్ ను పక్కన పెట్టేసి తెలుగుపైనే దృష్టి పెట్టిన విక్రమ్ కె కుమార్.. ప్రస్తుతం అక్కినేని అఖిల్ హీరోగా హలో చిత్రాన్ని పూర్తి చేసేస్తున్నాడు.

ఇప్పటికే ఈ మూవీ షూటింగ్ పనులు దాదాపు పూర్తయిపోగా.. ఇప్పటికే ప్రమోషన్ వర్క్స్ కూడా స్టార్ట్ అయిపోయాయి. డిసెంబర్ 22న ఈ చిత్రం రిలీజ్ కానుండగా.. విడుదల తర్వాతి ప్రమోషన్స్ తో కలుపుకున్నా.. వచ్చే ఏడాది ప్రారంభానికల్లా ఈ దర్శకుడు ఫ్రీ అయిపోతాడు. మరి ఈ డైరెక్టర్ నెక్ట్స్ ముూవీ ఎవరితో అనే ఆసక్తి కనిపిస్తోంది. ఇప్పటికే ఎన్టీఆర్ నుంచి ఓ మాంచి ఆఫర్ వచ్చినట్లు చెప్పుకుంటున్నారు. కానీ సబ్జెక్ట్ ఓకే అయినా సరే.. ఎన్టీఆర్ తో సినిమాకు ఇంకా సమయం పడుతుంది. ఫిబ్రవరిలో త్రివిక్రమ్ మూవీని ఎన్టీఆర్ స్టార్ట్ చేస్తాడు. అది పూర్తయ్యాకే మరుసటి చిత్రం ఉంటుంది.

అయితే.. ఇప్పటికే విక్రమ్ కె కుమార్ చెప్పిన ఓ సింగిల్ లైన్ స్టోరీకి నాని ఓకే అనేశాడనే టాక్ ఉంది. ఎన్టీఆర్ తో మూవీ మొదలయ్యే లోపు.. నానితో మూవీని ఫినిష్ చేసేసే ఛాన్స్ ఈ దర్శకుడికి ఉంది. విక్రమ్ కె కుమార్ నెక్ట్స్ మూవీ నానితోనే అనే టాక్ పీక్స్ లో ఉండగా.. ఆ తర్వాత ఎన్టీఆర్ తో జత కట్టనున్నాడట.