‘ఐ’ సినిమా మీద ఎన్నెన్నో ఆశలు పెట్టుకున్నాడు విక్రమ్. ఆ సినిమా కోసం అతను పడ్డ కష్టం అంతా ఇంతా కాదు. కానీ ఆ సినిమా అంచనాల్ని అందుకోలేకపోయింది. విక్రమ్ కష్టానికి సరైన ఫలితం దక్కలేదు. ఆ తర్వాత వచ్చిన ’10 ఎన్రదుకుల్లా’ అయితే పెద్ద డిజాస్టర్ అయి విక్రమ్ కెరీర్ కు పెద్ద బ్రేక్ లాగా మారింది. అయినప్పటికీ విక్రమ్ రూటు మార్చలేదు. ప్రయోగాలు ఆపలేదు. ‘ఇంకొక్కడు’ సినిమా కోసం రెండు సరికొత్త అవతారాలు ఎత్తాడు. ఒక పాత్రలో గడ్డంతో ఇంటెన్సివ్ లుక్ లో కనిపిస్తూ.. ‘లవ్’ అనే మరో పాత్ర కోసం హిజ్రా లాగా తయారయ్యాడు. ట్రైలర్లో విక్రమ్ అవతారం.. అతడి నటన షాకింగ్ అనిపించింది జనాలకు.
ఆల్రెడీ ఒకసారి ‘మల్లన్న’ సినిమాలో కొన్ని నిమిషాల పాటు హిజ్రా మాదిరి కనిపించాడు విక్రమ్. మరి ‘ఇంకొక్కడు’లో అతనేం కొత్తదనం చూపిస్తాడా అని ఎదురు చూస్తున్నారు ప్రేక్షకులు. ఐతే అందరూ అనుకుంటున్నట్లు ‘లవ్’ పాత్ర హిజ్రా కాదని అంటున్నాడు ‘ఇంకొక్కడు’ దర్శకుడు ఆనంద్ శంకర్. ఈ పాత్రలో ఓ స్పెషాలిటీ ఉందని.. అదేంటో తెరమీదే చూసి తెలుసుకోవాలని అన్నాడు ఆనంద్. ఈ పాత్ర అంచనాలకు అందని విధంగా ఉంటుందని అతను చెప్పాడు. విక్రమ్ సరసన నయనతార నటించిన ఈ చిత్రం గురువారమే ప్రేక్షకుల ముందుకొస్తోంది. తెలుగులో కృష్ణారెడ్డి ఈ చిత్రాన్ని రిలీజ్ చేస్తున్నాడు. విక్రమ్ కెరీర్లోనే అత్యధిక థియేటర్లలో ఈ చిత్రాన్ని రిలీజ్ చేస్తున్నారు. మరి ‘అపరిచితుడు’ తర్వాత సరైన హిట్ లేని విక్రమ్.. ఈ సినిమాతో అయినా సక్సెస్ కొడతాడేమో చూడాలి.
ఆల్రెడీ ఒకసారి ‘మల్లన్న’ సినిమాలో కొన్ని నిమిషాల పాటు హిజ్రా మాదిరి కనిపించాడు విక్రమ్. మరి ‘ఇంకొక్కడు’లో అతనేం కొత్తదనం చూపిస్తాడా అని ఎదురు చూస్తున్నారు ప్రేక్షకులు. ఐతే అందరూ అనుకుంటున్నట్లు ‘లవ్’ పాత్ర హిజ్రా కాదని అంటున్నాడు ‘ఇంకొక్కడు’ దర్శకుడు ఆనంద్ శంకర్. ఈ పాత్రలో ఓ స్పెషాలిటీ ఉందని.. అదేంటో తెరమీదే చూసి తెలుసుకోవాలని అన్నాడు ఆనంద్. ఈ పాత్ర అంచనాలకు అందని విధంగా ఉంటుందని అతను చెప్పాడు. విక్రమ్ సరసన నయనతార నటించిన ఈ చిత్రం గురువారమే ప్రేక్షకుల ముందుకొస్తోంది. తెలుగులో కృష్ణారెడ్డి ఈ చిత్రాన్ని రిలీజ్ చేస్తున్నాడు. విక్రమ్ కెరీర్లోనే అత్యధిక థియేటర్లలో ఈ చిత్రాన్ని రిలీజ్ చేస్తున్నారు. మరి ‘అపరిచితుడు’ తర్వాత సరైన హిట్ లేని విక్రమ్.. ఈ సినిమాతో అయినా సక్సెస్ కొడతాడేమో చూడాలి.