సామీని రౌండ‌ప్ చేశారు!

చియాన్ విక్ర‌మ్ ఓ సినిమాలో న‌టిస్తున్నాడు అంటే అంద‌రిలో ఒక‌టే క్యూరియాసిటీ ఉంటుంది. అత‌డు న‌టించిన అప‌రిచితుడు - సామి -  ఐ - నాన్న‌ లాంటి చిత్రాలు తెలుగు ఆడియెన్‌కి గుర్తుకొస్తాయి. చియాన్‌లోని ప్ర‌యోగాత్మ‌క‌త అంద‌రికీ న‌చ్చుతుంది. సౌత్‌లో క‌మ‌ల్‌హాస‌న్ త‌ర్వాత మ‌ళ్లీ అలాంటి ప్ర‌యోగాలు చేసే అగ్ర‌క‌థానాయ‌కుడిగా అత‌డి పేరు ప్రముఖంగా వినిపిస్తుంది కాబ‌ట్టి.. త‌ను ఏ ప్ర‌య‌త్నం చేసినా అభిమానుల్లో క్యూరియాసిటీ ఉంటుంది.

ప్ర‌స్తుతం సింగం హ‌రి కాంబినేష‌న్‌లో సామి-స్వ్కేర్ లాంటి భారీ యాక్ష‌న్ సినిమాతో త‌మిళ్ - తెలుగు ప్రేక్ష‌కుల ముందుకు రాబోతున్నాడు. ఈ సినిమా చిత్రీక‌ర‌ణ పూర్త‌యింది. నిర్మాణానంత‌ర ప‌నులు పూర్త‌వుతున్నాయి. ఇప్ప‌టికే సెప్టెంబ‌ర్ 20 రిలీజ్ తేదీ అంటూ ప్ర‌క‌టించేశారు. అంటే ఇక‌పై విక్ర‌మ్‌ - హ‌రి బృందం ప్ర‌మోష‌న్ కార్య‌క్ర‌మాల్లోనూ వేడి పెంచ‌నుంది.

ఆస‌క్తిక‌రంగా సామి -2 రిలీజ్‌కి అటూ ఇటూ ప‌లు క్రేజీ చిత్రాలు రిలీజ‌వుతున్నాయి. ఓ ర‌కంగా సామీని రౌండ‌ప్ చేశార‌నే చెప్పాలి. సెప్టెంబ‌ర్ లోనే విశాల‌ - స‌మంత‌ - శివ‌కార్తికేయ‌న్ - విజ‌య్ సేతుప‌తి వంటి స్టార్లు న‌టించిన సినిమాలు రిలీజ‌వుతున్నాయి. సెప్టెంబ‌ర్ 13న సీమ‌రాజా రిలీజ్ కి రెడీ అవుతోంది. అలానే విశాల్ పందెంకోడి 2 సెప్టెంబ‌ర్‌లోనే రిలీజ్ కానుంది. అలానే మ‌ణిర‌త్నం ద‌ర్శ‌క‌త్వం వ‌హించిన మ‌ల్టీస్టార‌ర్ `న‌వాబ్‌` సెప్టెంబ‌ర్ 27న రిలీజ‌వుతోంది. అర‌వింద స్వామి- త్రిష జంట‌గా న‌టించిన `శ‌తురంగ వేట్టై` ఈ సెప్టెంబ‌ర్ రిలీజ్ అంటూ ప్ర‌క‌టించారు. ఇలా స్వామీని రౌండ‌ప్ చేసి క‌న్ఫ్యూజ్ చేస్తున్నారంతా!!