త్రీడి మూవీ 'విక్రాంత్ రోనా' రిలీజ్ డేట్ వచ్చేసింది..!

కన్నడ స్టార్ హీరో కిచ్చా సుదీప్ ప్రధానపాత్రలో తెరకెక్కుతున్న చిత్రం 'విక్రాంత్ రోనా'. పాన్ ఇండియా సినిమాగా విక్రాంత్ రోనా పలు భాషలలో విడుదల కాబోతుంది. ఇండియాలోనే ఫస్ట్ ఫాంటసీ త్రీడి మూవీగా విక్రాంత్ రోనా తెరకెక్కినట్లు ఇదివరకు పలుమార్లు కన్నడ ఇండస్ట్రీ కథనాలు తెలిపాయి. హీరో సుదీప్ కెరీర్లోనే ఈ విక్రాంత్ రోనా మూవీ ఎంతో ప్రత్యేకంగా రూపొందుతుంది. ఎందుకంటే ఫస్ట్ టైం ఈ సినిమాతో పాన్ ఇండియా లెవెల్ థియేట్రికల్ రిలీజ్ చేస్తున్నాడు. తాజాగా ఈ సినిమా రిలీజ్ డేట్ ప్రకటించారు మేకర్స్. ప్రపంచవ్యాప్తంగా విక్రాంత్ రోనా సినిమాను ఈ ఏడాది ఆగష్టు 19న విడుదల చేయనున్నట్లు చిత్రబృందం సోషల్ మీడియాలో ప్రకటించింది. ఈ విషయాన్నీ కన్ఫర్మ్ చేస్తూ తాజాగా మరో పోస్టర్ కూడా రిలీజ్ చేశారు మేకర్స్.

విక్రాంత్ రోనా విడుదల తేదీ ప్రకటించడంతో హీరో సుదీప్ ట్విట్టర్ వేదికగా తన ఆనందాన్ని షేర్ చేసుకున్నాడు. 'ఈ సినిమా కోసం అన్నివిధాలుగా సన్నాహాలు పూర్తి చేసాక విడుదల చేయడం ఆనందంగా ఉంది. ఆగష్టు 19న సినిమా విడుదల అవుతున్నందుకు చాలా ఎక్సయిటింగ్ గా ఉంది. అలాగే మా సినిమాను వేరే ఇండస్ట్రీలు కూడా ఓన్ చేసుకుంటున్నందుకు చాలా ధన్యవాదాలు. నా ఫ్రెండ్స్, అభిమానులు, ఆప్తులు అందరూ చూపిస్తున్న ప్రేమభిమానాలకు థాంక్స్. విక్రాంత్ రోనా పోస్ట్ ప్రొడక్షన్ బృందానికి స్పెషల్ థాంక్స్' అంటూ ట్వీట్ చేసాడు. ఇదివరకు విక్రాంత్ రోనా టైటిల్ లోగోను బూర్జ్ ఖలీఫా పై ఆవిష్కరించారు. అనూప్ బండారి దర్శకత్వం వహిస్తున్న ఈ సినిమాను షాలిని జాక్ మంజు, అలంకార్ పాండియన్ సంయుక్తంగా నిర్మిస్తున్నారు. ఈ సినిమాతో నీతా అశోక్ హీరోయిన్ గా డెబ్యూ అవుతోంది.