విశాల్ కూడా వెనక్కెళ్లిపోయాడు

నోట్ల రద్దు వ్యవహారం.. సినిమా ఇండస్ట్రీని భయపెట్టేస్తోంది. అసలు థియేటర్లలోకి సినిమాను తెచ్చేందుకే భయపడిపోతున్నారు మూవీ మేకర్స్. పెద్ద పెద్ద సినిమాలే వణికిపోతుంటే.. ఇక లో మీడియం బడ్జెట్ మూవీస్ సంగతైతే అసలు చెప్పాల్సిన పని లేదు. జనాలు తమ చేతిలోనే డబ్బులు సరిగా ఆడనపుడు.. థియేటర్లకు వచ్చేందుకు ఏమాత్రం ఇష్టపడరనే విషయం ఈ వారం రోజుల్లో తేలిపోయింది.

ఈ వారంలో రిలీజ్ కావాల్సిన సినిమాలన్నీ పోస్ట్ పోన్ అయిపోయాయి. కనీసం ఎప్పుడు రిలీజ్ అవుతాయో కూడా చెప్పకుండానే వాయిదా అని చెబుతున్నారంతే. ఈ లిస్ట్ లోకి ఇఫ్పుడు విశాల్ తమన్నా జంటగా నటించిన కత్తి సాందాయ్(తెలుగులో ఒక్కడొచ్చాడు) కూడా వెనక్కెళ్లిపోతున్నాడు. ఈ నెల18న విశాల్ మూవీ రిలీజ్ కావాల్సి ఉండగా.. వాయిదా వేస్తున్నట్లు విశాల్ నుంచి స్టేట్మెంట్ వచ్చేసింది. 'కత్తి సాందాయ్ విడుదల తేది ఇంకా నిర్ణయించలేదు. ఒకట్రెండు రోజుల్లో ప్రకటిస్తాం. ఇప్పటికైతే ఈ నెలలో రావడం లేదు. థాంక్యూ' అంటూ విషయం తేల్చేశాడు విశాల్.

థియేటర్లలో ఉన్న సినిమాలేవీ ఏ మాత్రం ఫేర్ చేయలేకపోతున్నాయి. నామమాత్రపు వసూళ్లు కూడా రావడం లేదని థియేటర్స్ యజమానులు చెబుతున్న మాటల ప్రకారం.. ఇలా వాయిదా వేసుకోవడం తప్ప చేయగలిగింది ఏమీ లేదు.

Like Us on Facebook : https://www.facebook.com/Tupakidotcom/