టెంపర్ రీమేక్ లో పందెం కోడి

యంగ్ టైగర్ జూనియర్ ఎన్టీఆర్ కెరీర్లో చాలా స్పెషల్ మూవీగా నిలిచిపోయిన టెంపర్ గురించి ఫాన్స్ ఇప్పటికీ తలుచుకుంటూ ఉంటారు. నెగటివ్ షేడ్స్ తో మొదలై సెకండ్ హాఫ్ లో విలన్ల భరతం పట్టే సిన్సియర్ పోలీస్ ఆఫీసర్ గా మారే తీరు విపరీతంగా ఆకట్టుకుంది. దీని రిమేక్ కోసం అన్ని బాషల్లోను భారీ డిమాండ్ ఉంది. హిందిలో రన్వీర్ సింగ్ హీరోగా సైఫ్ అలీ ఖాన్ కూతురు సారా హీరొయిన్ గా కరణ్ జోహార్ నిర్మిస్తున్న సంగతి తెలిసిందే. ఇప్పుడు ఇది తమిళ్ లోకి కూడా వెళ్ళే అవకాశాలు ఊపందుకున్నాయి. విశాల్ హీరోగా దీన్ని రీమేక్ చేయాలని ఏడాది క్రితమే ప్రయత్నాలు జరిగాయి. కాని విశాల్ ఇతర వ్యవహారాల్లో బిజీ గా ఉండటం వల్ల అది కార్య రూపం దాల్చలేదు. ఇప్పుడు దీనికి రంగం సిద్ధమవుతున్నట్టు కోలీవుడ్ టాక్.

వెంకట్ మోహన్ దర్శకత్వంలో రాశి ఖన్నా హీరొయిన్ గా టెంపర్ రీమేక్ ఏర్పాట్లు జరుగుతున్నాయని తమిళ మీడియా సమాచారం. ప్రస్తుతం విశాల్ తన కొత్త సినిమాల వివరాలు ప్రకటించే స్థితిలో లేడు. ఒకపక్క సమ్మెకు సంబంధించిన చర్చలు, మరోపక్క నడిగర్ సంఘంతో పాటు నిర్మాతల సమాఖ్య వ్యవహారాలతో ఊపిరి సలపనంత బిజీగా ఉన్నాడు. తన కొత్త సినిమా ఇరుంబు తెరయ్(తెలుగు ‘అభిమన్యుడు) విడుదల కూడా ఈ కారణంగానే మూడు నెలల నుంచి వాయిదా పడుతూనే ఉంది. సమంతా హీరొయిన్ గా నటించిన ఈ మూవీలో విశాల్ గురువు యాక్షన్ కింగ్ అర్జున్ కూడా కీలక పాత్ర పోషించారు.

ఇవన్ని ఒక కొలిక్కి రావడానికి కొంత సమయం పడుతుంది కాబట్టి విశాల్ టెంపర్ రీమేక్ సంగతి ప్రస్తుతానికి పక్కన పెట్టినట్టు తెలిసింది. దీన్ని తానే చేస్తానని వేరే ఎవరితోనూ కమిట్ చేయించకుండా అట్టి పెట్టుకున్నాడట. గత కొన్నేళ్ళుగా గట్టి హిట్ ఒక్కటి కూడా లేని విశాల్ టెంపర్ రీమేక్ తన బూస్ట్ ఇస్తుందని ఆశిస్తున్నాడు. పూర్తి వివరాలు మరో నెలలో తెలిసే అవకాశాలు ఉన్నాయి