శ్రీదేవి పెదాలకు చీమ కుట్టిందా???

ఒకనాటి అందాలతార శ్రీదేవికి బోలెడంత ఫ్యాన్ ఫాలోయింగ్ ఉంటుంది. ఆమె వారసురాలి కోసం ఇండస్ట్రీతో పాటు.. జనాలు కూడా తెగ ఎదురుచూస్తున్నారంటే.. శ్రీదేవి అలరించిన తీరు అర్ధమవుతుంది. వయసు పెరిగినా.. మెరుపులు తగ్గినా.. ఇప్పటికీ కాసిన్ని మెరుగులతో శ్రీదేవి అలరిస్తున్న చూస్తే.. ఇప్పుడే ఇలా ఉందంటే అప్పట్లో ఇంకెంత మురిపించేదో అని ఈ తరం కుర్రకారు అనుకోవడంలో ఆశ్యర్యం లేదు.

అయితే.. అందాలకు మెరుగులు దిద్దుకోవడంలో శ్రీదేవి ఎప్పుడో పీజీ.. రీసెర్చ్ కూడా చేసేసింది. ముక్కు.. గెడ్డం.. ఆపరేషన్ చేయించుకుని అందాన్ని మరింతగా ఇనుమడింప చేసుకుందని చెబుతారు.. జనాలు సాక్ష్యాలు కూడా చూపిస్తారు. అఫ్ కోర్స్.. దీనిపై ఈ సీనియర్ సుందరి పెదవి విప్పలేదు. కానీ ఇప్పుడు ఆ పెదవికి కూడా ఆపరేషన్ చేయించుకుందా అంటూ కొత్త డిస్కషన్స్ మొదలైపోయాయి. రీసెంట్ గా అనురాగ్ బసు ఇంట్లో జరిగిన ఓ పూజా కార్యక్రమానికి శ్రీదేవి హాజరు అయింది. ఇక్కడ శ్రీదేవి పెదవులు.. ముఖ్యంగా పైపెదవి చూసి కొత్త తరహా కామెంట్స్ మొదలైపోయాయి.

తాను పవర్ యోగ చేయడం.. టెన్నిస్ ఆడడం.. డైట్ కంట్రోల్ వంటివి చేయడంతో శరీరంలో కాసిన్ని మార్పులు వచ్చాయంటూ శ్రీదేవి కస్సుబుస్సులాడింది కానీ.. తాజాగా జరిగిన హెచ్ టీ ఇండియా మోస్ట్ స్టైలిష్ అవార్డ్స్ ఈవెంట్ లో కూడా ఈ భామ అలాగే కనిపించింది. దీంతో శ్రీదేవి ఆపరేషన్ చేయించుకోవడం నిజం కాకపోతే.. లేకపోతే చీమ కుట్టి అలా పెదవి వాచిపోయిందా అని జోకులేస్తున్నారు బాలీవుడ్ జనాలు.