ఆమె స్నానం చేస్తుంటే చూడాలనుందంటున్న హీరో

బాలీవుడ్‌ యంగ్‌ హీరో షాహిద్‌ కపూర్‌ ప్రస్తుతం 'కబీర్‌ సింగ్‌' చిత్రంలో నటిస్తున్న విషయం తెల్సిందే. తెలుగు అర్జున్‌ రెడ్డి చిత్రంకు అది రీమేక్‌. కబీర్‌ సింగ్‌ చిత్రం విడుదలకు సిద్దం అయ్యింది. తాజాగా చిత్రం ట్రైలర్‌ ను విడుదల చేయడం జరిగింది. చిత్ర ప్రమోషన్‌ లో భాగంగా షాహిద్‌ కపూర్‌ ఒక మీడియా సంస్థకు ఇంటర్వ్యూ ఇచ్చాడు. ఆ ఇంటర్వ్యూలో పలు ఆసక్తికర విషయాలను వెళ్లడించాడు. పలు చిలిపి ప్రశ్నలకు తనదైన శైలిలో సమాధానం చెప్పి చర్చనీయాంశం అయ్యాడు.

షాహిద్‌ కపూర్‌ కు హాలీవుడ్‌ స్టార్‌ స్కార్లెట్‌ జాన్సన్‌ అంటే అమితమైన అభిమానం. గతంలో పలు సార్లు కూడా ఆమె గురించి మాట్లాడి తన అభిమానంను చాటుకున్నాడు. తాజాగా ఇంటర్వ్యూలో కూడా మీకు మిస్టర్‌ ఇండియా మాదిరిగా మాయం అయ్యే పవర్‌ వస్తే ఎవరు స్నానం చేస్తుండగా చూడాలనుకుంటున్నారు అంటూ ప్రశ్నించిన సమయంలో మాయం అయితే అలాంటివి చిన్నవి ఎందుకు చేస్తాం ఇంకా పెద్ద పనులు ఏమైనా చేస్తానన్నాడు. ఆ తర్వాత షాహిద్‌ నాకు ఆ ఛాన్స్‌ వస్తే తప్పకుండా స్కార్లెట్‌ జాన్సన్‌ స్నానం చేస్తున్నప్పుడు చూడాలనుకుంటున్నట్లుగా చెప్పుకొచ్చాడు.

స్కార్లెట్‌ జాన్సన్‌ పెళ్లి నా వల్ల క్యాన్సిల్‌ అయ్యిందనే పుకార్లు వస్తే నేను బాగా ఎంజాయ్‌ చేస్తాను, ఎందుకంటే ఆమె అంటే నాకు అంతగా ఇష్టం. అయినా స్కార్లెట్‌ అంటే ఇష్టం ఉండని వారు ఎవరు ఉంటారు చెప్పండి. ప్రతి ఇంటర్వ్యూలో కూడా స్కార్లెట్‌ జాన్సన్‌ విషయాన్ని తీసుకు రావాలంటూ స్వయంగా షాహిద్‌ ఇంటర్వ్యూ చేసే వారికి సూచిస్తాడట. ఆమె ప్రస్తావన వస్తేనే షాహిద్‌ ఇంటర్వ్యూ ఫుల్‌ ఫిల్‌ అయినట్లుగా భావిస్తాడట. మొత్తానికి ఆమెపై ఉన్న అభిమానంను ఇలా షాహిద్‌ చూపిస్తున్నాడు.