ఐటెం లేని లోటును మహేష్‌ దాంతో భర్తీ చేస్తాడా?

కొన్ని రోజుల క్రితం సరిలేరు నీకెవ్వరు ఐటెం సాంగ్‌ గురించి చాలా పెద్ద చర్చ జరిగింది. తమన్నా ఈ ఐటెం సాంగ్‌ ను చేయబోతుందని దేవిశ్రీ ప్రసాద్‌ తనదైన శైలిలో ఐటెం సాంగ్‌ కోసం మాస్‌ మసాలా ట్యూన్‌ ను రెడీ చేస్తున్నట్లుగా ప్రచారం జరిగింది. ఐటెం సాంగ్‌ విషయమలో మీడియాలో వచ్చిన వార్తలు అన్ని పుకార్లే అని ఆ తర్వాత తేలిపోయింది. అసలు సరిలేరు నీకెవ్వరు చిత్రంలో ఐటెం సాంగ్స్‌ ఉండవంటూ చిత్ర యూనిట్‌ వర్గాల ద్వారా అనధికారికంగా ఒక ప్రకటన వచ్చింది.

మాస్‌ లేని లోటును దేవిశ్రీ ప్రసాద్‌ భర్తీ చేసేలా మాస్‌ సాంగ్‌ ను ట్యూన్‌ చేసినట్లుగా నిర్మాత అనీల్‌ సుంకర చెప్పుకొచ్చాడు. ఆయన ట్విట్టర్‌ లో దేవిశ్రీ ప్రసాద్‌ కంపోజ్‌ చేసిన మాస్‌ సాంగ్‌ విన్న తర్వాత కేక అనే పదం చిన్నది అవుతుందనిపిస్తుంది. మాస్‌ మహేష్‌ బాబు ఫ్యాన్స్‌ కు ఈ పాట మంచి ట్రీట్‌ అంటూ ట్వీట్‌ చేశాడు. ఈ పాటతో సినిమా క్రేజ్‌ మరింతగా పెరుగుతుందంటూ చిత్ర యూనిట్‌ సభ్యులు అభిప్రాయం వ్యక్తం చేస్తున్నారు.

కమర్షియల్‌ సినిమా అంటే ఐటెం సాంగ్‌ తప్పనిసరి అనే ఒక ఆలోచనలో అంతా ఉన్నారు. ఇలాంటి సమయంలో సరిలేరు నీకెవ్వరు చిత్రంలో ఐటెం సాంగ్‌ లేదు కనుక ఆ మాస్‌ సాంగ్‌ తో ఐటెం సాంగ్‌ లేని లోటును భర్తీ చేస్తారేమో అంటూ కామెంట్స్‌ వినిపిస్తున్నాయి. మహేష్‌ బాబుకు జోడీగా ఈ చిత్రంలో రష్మిక మందన్న నటిస్తుండగా విజయశాంతి కీలక పాత్రలో నటిస్తున్న విషయం తెల్సిందే. అనీల్‌ రావిపూడి ఎఫ్‌ 2 తర్వాత చేస్తున్న ఈ చిత్రం అవ్వడంతో ఆసక్తి నెలకొంది. సంక్రాంతి కానుకగా రాబోతున్న ఈ చిత్రం కోసం మహేష్‌ బాబు ఫ్యాన్స్‌ చాలా ఆసక్తిగా ఎదురు చూస్తున్నారు.