సందీప్ కోసం మెగా హీరో వస్తాడా ?

కథ మీద నమ్మకంతో తానే నిర్మాతగా మారి కార్తీక్ రాజు దర్శకత్వంలో సందీప్ కిషన్ నటించిన నిను వీడని నీడను నేనే ఈ నెల 18న విడుదలకు రెడీ అవుతోంది. ఇప్పటికే ట్రైలర్ అంచనాలు పెంచేయగా ఆడియో కూడా పాజిటివ్ రెస్పాన్స్ దక్కించుకుంది. సక్సెస్ చూసి చాలా కాలం అయిన నేపథ్యంలో సందీప్ ఆశలన్నీ దీని మీదే ఉన్నాయి. బిజినెస్ బాగా జరగడం డిజిటల్ రైట్స్ కు సైతం మంచి డిమాండ్ రావడం శుభసూచకంగా ఫీలవుతున్నారు.

ఇవన్నీ ఎలా ఉన్నా ఇలాంటి సినిమాలకు ప్రీ రిలీజ్ హైప్ చాలా ముఖ్యం. ఇప్పుడు ఎంతో కొంత ఉంది కానీ సాలిడ్ ఓపెనింగ్స్ రావాలి అంటే ఇంకొంత సపోర్ట్ కావాలి. అందుకే ప్రీ రిలీజ్ ఈవెంట్ ని చాలా స్పెషల్ గా ప్లాన్ చేస్తున్నట్టు తెలిసింది. మెగా ప్రిన్స్ వరుణ్ తేజ్ ను రప్పించేందుకు సందీప్ కిషన్ గట్టి ప్రయత్నాలే చేస్తున్నాడట. ఒకవేళ ఓకే అయితే మంచిదే. సందీప్ కిషన్ కు యూత్ హీరోలు అందరితో మంచి రాపో ఉంది.

వరుణ్ తేజ్ ఉన్న ఫ్రెండ్ షిప్ దృష్ట్యా అడిగాడని అయితే వాల్మీకి షూటింగ్ లో బిజీగా ఉన్న అతను వస్తాడా రాడా అనేది వేచి చూడాలి. వరుణ్ హైదరాబాద్ లోనే ఉన్నాడు. అనంతపూర్ షెడ్యూల్ పూర్తి చేసుకుని సిటీలోనే షూట్ లో పాల్గొంటున్నాడు. సో గెస్ట్ గా రావడం పెద్ద కష్టమేమి కాదు. పబ్లిసిటీని సైతం వినూత్నంగా చేస్తున్న నిను  వీడని నీడను నేనే టీం ఇప్పటికే ప్రేక్షకుల దృష్టిని ఆకట్టుకుంది. మంచి హిట్ అయితే సందీప్ కిషన్ మార్కెట్ తో పాటు నెక్స్ట్ ప్రాజెక్ట్స్ కు హెల్ప్ అవుతుంది. మరి ఈ వీడని నీడకు మెగా సపోర్ట్ దక్కుతుందా లేదా ఈవెంట్ లో చూడాలి