'మోస్ట్ ఎలిజిబుల్ బ్యాచిల‌ర్' నుంచి జాయ్ ఫుల్ మెలోడీ 'ఏ జిందగీ..'

అక్కినేని అఖిల్ - పూజాహెగ్డే జంటగా నటిస్తున్న రొమాంటిక్ యూత్ ఫుల్ ఎంటర్టైనర్ ''మోస్ట్ ఎలిజిబుల్ బ్యాచిల‌ర్''. 'బొమ్మరిల్లు' భాస్కర్ ఈ చిత్రానికి దర్శకత్వం వహిస్తున్నాడు. అల్లు అరవింద్ సమర్పణలో గీతా ఆర్ట్స్2 బ్యానర్‌ పై బన్నీ వాస్ - వాసు వర్మ సంయుక్తంగా ఈ చిత్రాన్ని నిర్మిస్తున్నారు. గోపీ సుందర్‌ ఈ సినిమాకు సంగీతం సమకూరుస్తున్నారు. జూన్‌ 19న ఈ చిత్రం ప్రేక్షకుల ముందుకు రానుంది. ఈ నేపథ్యంలో ఇప్పటికే విడుదలైన పోస్టర్స్ - టీజర్ మంచి స్పందన తెచ్చుకున్నాయి. అలానే 'మనసా మనసా' 'గుచ్చే గులాబీ' పాటలు శ్రోతలను విశేషంగా ఆకట్టుకున్నాయి. ఈ క్రమంలో తాజాగా 'ఏ జిందగీ' అనే మరో గీతాన్ని చిత్ర యూనిట్ రిలీజ్ చేసింది.

'ఆకాశమంతా ఆనందమై.. తెల్లారుతోందే నాకోసమై.. ఆలోచనంతా ఆరాటమై.. అన్వేషిస్తోందో ఈ రోజుకై' అంటూ ఈ పాటకు గోపీ సుందర్‌ మంచి ట్యూన్ కంపోజ్ చేశారు. 'ఆ గడిగీతకు అటువైపు నువ్వలా.. ఆ గడి తీయక ఈవైపు నేనిలా' అంటూ ఈ మెలోడీ సాంగ్ కు లిరిసిస్ట్ రామజోగయ్య శాస్త్రి సాహిత్యం అందించారు. ఈ పాట ద్వారా హానియా నఫీసా గాయనిగా టాలీవుడ్ కు పరిచయం అవుతోంది. గోపి సుందర్ ఆమెతో పాటు గొంతు కలిపారు. ఇందులో అఖిల్ - పూజాహెగ్డే మధ్య కెమిస్ట్రీ బాగా వర్కౌట్ అయినట్లు కనిపిస్తోంది. ఈ జాయ్ ఫుల్ మెలోడీ వినసొంపుగా ఉండి శ్రోతలను అలరిస్తోంది. ఇప్పటి వరకు వచ్చిన సాంగ్స్ ని బట్టి గోపీ మరో చార్ట్ బస్టర్ ఆల్బమ్ తో రాబోతున్నాడని అర్థం అవుతుంది. 'మోస్ట్ ఎలిజిబుల్ బ్యాచిలర్' చిత్రానికి ప్రదీశ్ వర్మ సినిమాటోగ్రఫీ అందించగా.. మార్తాండ్ కె. వెంకటేష్ ఎడిటింగ్ వర్క్ చేస్తున్నారు.

Full View