విజయ్ - అట్లీ గోల.. భగ్గుమంటున్నారుగా!

కోలీవుడ్ యంగ్ డైరెక్టర్ అట్లీ గత ఏడాది షారుక్ ఖాన్ తో తెరకెక్కించిన 'జవాన్' ఎలాంటి సక్సెస్ ని అందుకుందో తెలిసిందే. యాక్షన్ ఎంటర్టైనర్ గా తెరకెక్కిన ఈ మూవీ బాక్స్ ఆఫీస్ వద్ద వెయ్యి కోట్లు కొల్లగొట్టి అట్లీకి పాన్ ఇండియా లెవెల్ లో క్రేజ్ తెచ్చిపెట్టింది. జవాన్ సక్సెస్ తో అట్లీతో సినిమా చేసేందుకు స్టార్ హీరోలు ఆసక్తి చూపిస్తున్నారు. ఇదిలా ఉంటే తాజాగా ఓ ఇంటర్వ్యూలో పాల్గొన్న అట్లీ తలపతి విజయ్ గురించి షాకింగ్ కామెంట్స్ చేశాడు.

ఇటీవల ఓ మీడియా ఇంటరాక్షన్ లో పాల్గొంటూ KGF సిరీస్, పుష్ప లాంటి పాన్ ఇండియా హిట్స్ పై ప్రశంసలు కురిపించాడు. అంతేకాకుండా రాకింగ్ స్టార్ యష్, అల్లు అర్జున్ ఇద్దరు అన్ని భాషల్లో భారీ మార్కెట్ ఉన్న రియల్ పాన్ ఇండియన్ స్టార్స్ అని చెప్పాడు. ఇక ఇదే జాబితాలో తలపతి విజయ్ 'లియో' మూవీ ని కూడా చేర్చడం సోషల్ మీడియాలో హాట్ టాపిక్ గా మారింది. అంటే తలపతి విజయ్ కూడా పాన్ ఇండియా స్టార్ అని అట్లీ తాజా ఇంటర్వ్యూలో చెప్పాడు.

విజయ్ కి తెలుగు, మలయాళం లో మంచి మార్కెట్ ఉందని నిస్సందేహంగా చెప్పవచ్చు. విజయ్ గత చిత్రం 'లియో' దాదాపు అన్ని ప్రాంతాల్లో మంచి రిజల్ట్ అందుకుంది. కానీ ఒక హిందీ బాక్స్ ఆఫీస్ వద్ద నిరాశపరిచింది. లియో మాత్రమే కాదు ఇప్పటివరకు విజయ్ నటించిన ఏ ఒక్క సినిమా హిందీ బాక్స్ ఆఫీస్ వద్ద పెద్దగా ప్రభావం చూపలేదు.

అలాంటప్పుడు అతను పాన్ ఇండియా స్టార్ ఎలా అవుతాడు? ఎలా లియో సినిమాని కేజిఎఫ్ సిరీస్ తో పోలుస్తారు? అంటూ పలువురు నెటిజన్స్ అభిప్రాయపడుతున్నారు. నిజానికి కోలీవుడ్లో ఇటీవల వచ్చిన విక్రమ్, జైలర్, పొన్ని యన్ సెల్వన్ వంటి సినిమాలన్నీ బాలీవుడ్ బాక్సాఫీస్ వల్ల ప్లాప్ అయ్యాయి.

అలాంటిది విజయ్ పాన్ ఇండియా స్టార్ అని చెప్పడమే కాకుండా యశ్, అల్లు అర్జున్ లాంటి హీరోలతో విజయ్ ని పోల్చడంతో యశ్, బన్నీ ఫ్యాన్స్ అట్లీ ని ట్రోల్ చేయడం మొదలు పెట్టారు. కోలీవుడ్లో అట్లీ అభిమాన హీరో తలపతి విజయ్ అనే విషయం అందరికీ తెలుసు. విజయ్ తో అట్లీ తేరీ, మెర్సల్, బిగిల్ వంటి హ్యాట్రిక్ సినిమాలు చేశాడు. ఈ సినిమాలన్నీ కమర్షియల్ గా మంచి సక్సెస్ అయ్యాయి.