బేబీ డైరెక్టర్.. మినిమమ్ ఆ రేంజ్ హీరో!

సీనీ ఇండస్ట్రీలో ఎవరి ఫేట్ ఎలా ఉంటుందో చెప్పలేం. ఎప్పుడూ ఎవరి స్టేటస్ ఎలా మారుతుందో తెలీదు. ఏది ఏమైనా రంగులో ప్రపంచంలో ఫామ్​లో ఉన్నవారికే అవకాశాలు క్యూ కడుతుంటాయి. అది హీరో, హీరోయిన్​, దర్శకుడు ఎవరైనా కావొచ్చు. ఒక్క హిట్ అందుకుంటే చాలు.. బడా వాళ్ల నుంచి ఆఫర్లు క్యూ కడుతాయి. అయితే ఇప్పుడు తెలుగు చిత్రసీమలో దర్శకుల విషయానికొస్తే.. రీసెంట్‌ యూత్‌ఫుల్‌ ఎంటర్‌టైనర్‌ బేబీతో సూపర్‌ సక్సెస్‌ అందుకున్న దర్శకుడు సాయి రాజేశ్‌ వైపు చూస్తున్నట్లు అర్థమవుతోంది.

సోషల్​ మీడియా, టెలివిజన్ మీడియాలో కొద్ది రోజులుగా బేబీ సినిమాతో పాటు ఈ చిత్ర దర్శకుడు సాయి రాజేశ్ గురించే వార్తలు కనిపిస్తున్నాయి. ఎందుకంటే 12కోట్ల బడ్జెట్​తో తెరకెక్కిన బేబీ సినిమా లాంగ్ రన్​ టైమ్​లో ఏకంగా రూ.90కోట్ల వరకు వసూలు చేసింది. ఇంత చిన్న బడ్జెట్​తో ఈ రేంజ్​ భారీ వసూళ్లను అందుకోవడమంటే మాములు విషయం కాదనే చెప్పాలి. అందుకే ఈ చిత్రంలో దర్శకుడు సాయి రాజేశ్​కు ఒక్కసారిగా భారీగా పాపులారిటీ వచ్చేసింది.

హృదయ కాలేయం, కొబ్బరి మట్ట వంటి కామెడీ చిత్రాలకు దర్శకత్వం వహించిన సాయి రాజేశ్​ నుంచి ఇలాంటి యూత్​ఫుల్​ లవ్​ అండ్​ ఎమోషనల్​ ఎంటర్​టైనర్ వస్తుందని ఎవరూ ఊహించలేదు. బేబీ సినిమా విడుదలకు ముందు.. విడుదల తర్వాత అనేలా దర్శకుడు సాయి రాజేశ్ పేరు సోషల్ మీడియాలో మార్మోగిపోయింది. ఎమోషనల్ లవ్ స్టోరీగా ఈ చిత్రాన్ని అద్భుతంగా మలిచిన తీరుకు రాజేశ్​పై​ పలువురు స్టార్​ హీరోలు, దర్శకనిర్మాతల ఎంతో మెచ్చుకున్నారు. దీంతో ఇండస్ట్రీలో సాయి రాజేశ్ డిమాండ్ పెరిగిపోయింది.

ఇప్పుడు సినీ ప్రియులంతా సాయి రాజేశ్ నుంచి నెక్స్ట్​ ఎలాంటి సినిమా వస్తుందా? ఏ హీరోతో సినిమా చేస్తారా అని ఆసక్తిగా ఎదురుచూస్తున్నారు? ఈ క్రమంలోనే సాయి రాజేశ్ ఓ మీడియం బడ్జెట్​ హీరోతో సినిమా చేయబోతున్నారంటూ వార్తలు గుప్పుమన్నాయి. దీంతో అంతా నిజమే అనుకున్నారు. కానీ సాయి రాజేశ్ మాత్రం ఇంకా తాను ఎలాంటి కథ కూడా సిద్ధం చేయలేదని, కానీ అప్పుడే హీరోను మీరే డిసైడ్​ చేసేశారా అంటూ ఆ వార్తలను కొట్టిపారేశారు.

ఏదేమైనప్పటికీ చిన్న బడ్జెట్​తో రూ.90కోట్ల వసూళ్లు సాధించడమంటే పెద్ద విషయం కాదు. మరీ భారీ రేంజ్ స్టార్ హీరోలు కాకపోయిన ఆ స్థాయికి దగ్గరున్న ఇతర హీరోలు సాయి రాజేశ్​తో సినిమా చేసే అవకాశం ఉంటుంది. అతడిపై ఆసక్తి చూపే అవకాశాలు ఎక్కువగా ఉంటాయి. అతడి దగ్గర కథలు ఏమైనా ఉంటే వినేందుకు రెడీగా కూడా ఉంటారు.

అదే సమయంలో ఈ రేంజ్​ సక్సెస్​ అందుకున్నప్పుడు ఏ దర్శకుడికైనా తన నెక్ట్స్​ టార్గెట్​ కాస్త పెద్ద హీరోతోనే చేయాలనే ఉంటుంది. కాబట్టి ఇప్పుడు సాయి రాజేశ్ ఫోకస్​ కూడా అదే అయి ఉంటుంది. ఎలాగే ఇండస్ట్రీలో తన డిమాండ్ పెరిగింది కాబట్టి.. సాయి రాజేశ్ కూడా అస్సలు తొందరపడకుండా ఆచితూచి జాగ్రత్తగా ముందుకు వెళ్లేలా ప్లాన్ చేసుకుంటున్నట్లు అర్థమవుతోంది. చూడాలి మరి అతడు త్వరలోనే ఎలాంటి కథతో వస్తారో? ఏ రేంజ్ హీరోను లైన్​లో పెడతారో?