బాలయ్య ది లెజెండ్... ఇదే సాక్ష్యం
తాజాగా బాలయ్య సినీ కెరీర్ ను తెలిజేసే విధంగా ఒక పోస్టర్ ను వేడుక నిర్వాహకులు రిలీజ్ చేశారు.
నందమూరి బాలకృష్ణ సినీ రంగ ప్రవేశం చేసి 50 ఏళ్లు పూర్తి చేసుకున్న సందర్భంగా టాలీవుడ్‌ లోని అన్ని విభాగాల ఆధ్వర్యంలో భారీ వేడుక కి ఏర్పాట్లు జరుగుతున్నాయి. సెప్టెంబర్‌ 1న నిర్వహించబోతున్నారు. తెలుగు రాష్ట్రాల ముఖ్యమంత్రులు, ఉప ముఖ్యమంత్రులతో పాటు పలువురు మంత్రులు ఇంకా టాలీవుడ్‌ స్టార్స్‌, ఇతర భాషల సినీ ప్రముఖులు కూడా ఈ వేడుకలో పాల్గొనే అవకాశాలు ఉన్నాయని వార్తలు వస్తున్నాయి. ప్రముఖ ఈవెంట్‌ మేనేజ్మెంట్‌ సంస్థ నిర్వహిస్తున్న ఈ వేడుక కి సంబంధించిన ప్రతి విషయం కూడా ఆసక్తి రేకెత్తిస్తోంది.
తాజాగా బాలయ్య సినీ కెరీర్ ను తెలిజేసే విధంగా ఒక పోస్టర్ ను వేడుక నిర్వాహకులు రిలీజ్ చేశారు. ప్రస్తుతం ఆ పోస్టర్ ను బాలయ్య ఫ్యాన్స్ తో పాటు నెటిజన్స్ తెగ షేర్‌ చేస్తున్నారు. సోషల్‌ మీడియాలో వైరల్‌ అవుతున్న ఈ పోస్టర్ లోని విషయాలు బాలయ్య ది లెజెండ్ అంటూ చెప్పకనే చెబుతున్నాయి అంటూ ఫ్యాన్స్ కామెంట్స్ చేస్తున్నారు. 50 ఏళ్ల సినీ కెరీర్ లో బ్రేక్ లేకుండా బాలయ్య నటిస్తూనే ఉన్నాడు. ఈ 50 ఏళ్లలో ఆయన ఇండస్ట్రీలో అన్‌స్టాపబుల్‌ గా కొనసాగుతూనే ఉన్నాడు. మొత్తం 109 సినిమాల్లో కూడా హీరోగా లేదా లీడ్‌ రోల్స్ లో మాత్రమే బాలయ్య నటించాడు.
బాలయ్య చేసిన సినిమాల కంటే ఆయన నటించిన హీరోయిన్స్ సంఖ్య చాలా ఎక్కువ. 109 సినిమాలకు గాను 129 మంది హీరోయిన్స్ తో బాలకృష్ణ నటించి అరుదైన రికార్డ్‌ ను సొంతం చేసుకున్నాడు. బాలకృష్ణ నటించిన సినిమాల వసూళ్ల విషయానికి వస్తే గతంలో రూ.10 లక్షల దక్కించుకోగా, ఈ మధ్య వచ్చిన సినిమాలతో రూ.250 కోట్ల వసూళ్లు కూడా దక్కించుకున్నాడు. బాలయ్య కు ఫ్యాన్స్ 10 ఫీట్ల కటౌట్‌ నుంచి 108 ఫీట్ల కటౌట్స్ వరకు ఏర్పాటు చేశారు. ఇక బాలయ్య నటించిన సినిమాలు ఎన్నో 100 రోజులు ఆడాయి. 100 రోజుల నుంచి 1000 రోజులు ఆడిన సినిమాలు కూడా బాలయ్య కెరీర్ లో ఉన్నాయి.
సోషల్‌, పౌరాణిక, జానపద, బయోపిక్స్‌, సైన్స్ ఫిక్షన్‌, పీరియాడిక్ డ్రామాలు, యాక్షన్‌ ఇలా అన్ని జోనర్‌ లలో బాలకృష్ణ సినిమాలు చేశాడు. నందమూరి తారక రామారావు తర్వాత తెలుగు సినిమా ఇండస్ట్రీ నుంచి రాజకీయాల్లో అడుగు పెట్టి వరుసగా మూడుసార్లు ఎమ్మెల్యేగా గెలిచిన ఘనత కేవలం బాలకృష్ణ కు మాత్రమే దక్కింది. 25 ఏళ్లుగా బసవతారకం క్యాన్సర్ ఆసుపత్రి చైర్మన్‌ గా కొనసాగుతున్న అరుదైన ఘనత కూడా బాలయ్య దక్కించుకున్నారు.
అఖండ, వీర సింహారెడ్డి, భగవంత్‌ కేసరి సినిమాలతో హ్యాట్రిక్ విజయాలను సొంతం చేసుకున్న బాలకృష్ణ ప్రస్తుతం బాబీ దర్శకత్వంలో సినిమాను చేస్తున్నాడు. ఈ సినిమా ఇప్పటికే షూటింగ్‌ పూర్తి చేసుకుని దసరా కు విడుదల కావాల్సి ఉన్నా కూడా ఏపీలో ఎన్నికల కారణంగా బాలయ్య అందుబాటులో లేకపోవడంతో ఆలస్యం అయ్యింది. ప్రస్తుతం చివరి దశ షూటింగ్‌ జరుపుకుంటున్న ఈ సినిమాను డిసెంబర్‌ లో ప్రేక్షకుల ముందుకు తీసుకు రావాలని బాబీ ప్లాన్‌ చేస్తున్నాడు. బాలయ్య 50 ఏళ్ల వేడుకలో బాబీ సినిమా టైటిల్‌ ఇంకా రిలీజ్ డేట్‌ పై క్లారిటీ వచ్చే అవకాశాలు ఉన్నాయని ప్రచారం జరుగుతోంది.