ట్రంప్ విజ‌యంపై NBK స్పంద‌న‌

అగ్ర‌రాజ్యం అమెరికా అధ్యక్ష ఎన్నికల్లో డొనాల్డ్ ట్రంప్‌ విజయం సాధించి రెండోసారి అమెరికా అధ్యక్షుడిగా పగ్గాలు చేప‌ట్టాడు. ప్ర‌త్య‌ర్థి క‌మ‌లా హ్యారిస్ పై అత‌డి విజ‌యం చారిత్రాత్మ‌కం. ఈ సందర్భంగా ఆయనకు ప్రపంచ వ్యాప్తంగా ప్రముఖుల నుంచి అభినందనలు వ్యక్తమవుతున్నాయి. తాజాగా ట్రంప్‌ విజయంపై ఎమ్మెల్యే, టాలీవుడ్ హీరో బాలకృష్ణ స్పందించారు.

రెండోసారి అమెరికా అధ్యక్షుడు కాబోతున్న డొనాల్డ్ ట్రంప్‌కు నందమూరి బాలకృష్ణ శుభాకాంక్షలు తెలియజేశారు. ఎన్నికల్లో ట్రంప్ విజయం భారత్ అమెరికా సంబంధాలలో కొత్త శకానికి నాందిగా నిలుస్తుందని ఆయన పేర్కొన్నారు. భారత్ అమెరికా మధ్య స్నేహపూర్వక సంబంధాలు కొనసాగాలని అశిస్తున్నట్లు తెలిపారు. అమెరికాలో ఉన్న తెలుగు ప్రజల సంక్షేమం, భ‌ద్ర‌త‌, ర‌క్ష‌ణ‌ కోసం ట్రంప్ సహకరించాలని ఆకాంక్షించారు.

నిజానికి ట్రంప్ భార‌త వ్య‌తిరేకిగా ముద్ర‌ప‌డిన వ్య‌క్తి. అత‌డి నిర్ణ‌యాలు ఏ తీరున ఉంటాయి? అన్న ఆందోళ‌న భార‌త‌దేశ ప్ర‌జ‌ల్లో ఉంది. కానీ భార‌త‌దేశం నుంచి ప్ర‌ముఖులంతా విజ‌యం సాధించిన ట్రంప్ కి శుభాకాంక్ష‌లు చెబుతూ భార‌త్ కి మేలు చేయాల‌ని కోరుతున్నారు.