టాలీవుడ్ కి ఏం కావాలో తెలుసుకుని వచ్చినట్టుంది !

టాలీవుడ్ లో సక్సెస్ అవ్వడం అంటూ జరిగింది అంటే ఆ హీరోయిన్ కి పాన్ ఇండియా రేంజ్ రావడం పక్కా.. ఎక్కడ నంచి వచ్చినా సరే తెలుగులో స్టార్ సినిమా ఛాన్స్ అందుకుంటుంది అంటే చిన్నగా ఆ హీరోయిన్ సౌత్ లో టాప్ ప్లేస్ కి వెళ్తుంది. అక్కడ నుంచి బాలీవుడ్ లో కూడా ఛాన్సులు అందుకుంటుంది. అందుకే హీరోయిన్స్ అంతా కూడా టాలీవుడ్ ఆఫర్ అనగానే మరో మాట మాట్లాడకుండా ఓకే చేస్తారు. ఈ క్రమంలో కరెక్ట్ గా టాలీవుడ్ లో ఎలా ఉండాలి.. ఇక్కడ ఆడియన్స్ కు ఏం కావాలి అని తెలుసుకుని మరీ అడుగు పెట్టింది భాగ్య శ్రీ బోర్స్.

రవితేజ లాంటి హీరో సినిమాతో టాలీవుడ్ ఎంట్రీ అంటే అది చాలా లక్కీ అన్నట్టే లెక్క. అది కూడా హరీష్ శంకర్ లాంటి డైరెక్టర్ సినిమా అంటే ఇక నో డౌట్ అన్నట్టే. తన సినిమాలో నటించిన హీరోయిన్స్ కి మంచి లైఫ్ ఇస్తూ వారి ఇమేజ్ డబుల్ అయ్యేలా చేస్తాడు హరీష్ శంకర్. అలాంటి హరీష్ శంకర్ డైరెక్షన్ లో మాస్ రాజా రవితేజ హీరోగా చేస్తున్న సినిమాతో తెలుగు తెరకు పరిచయమవుతుంది భాగ్య శ్రీ బోర్స్.

బాలీవుడ్ లో రెండు ప్రాజెక్ట్ లు చేసి సందడి చేసిన అమ్మడు టాలీవుడ్ నుంచి ఆఫర్ అనగానే నెక్స్ట్ థాట్ లేకుండా ఓకే చెప్పేసింది. తెలుగులో మాస్ సినిమాతో ఎంట్రీ ఇచ్చిన హీరోయిన్స్ కు మంచి పాపులారిటీ ఉంటుంది. మిస్టర్ బచ్చన్ తో యాక్టింగ్ తో ఇంప్రెస్ చేస్తూనే గ్లామర్ విషయంలో కూడా తగ్గలేదనిపిస్తుంది భాగ్య శ్రీ బోర్స్. హరీష్ టేకింగ్ భాగ్య శ్రీ అందాలు రవితేజ మాస్ మేనియా ఇది చాలు ఆడియన్స్ పండగ చేసుకుంటారు.

ఈమధ్యనే మిస్టర్ బచ్చన్ టీజర్ రిలీజ్ టైం లో డ్యాన్స్ తో కూడా ఆడియన్స్ ని మెప్పించే ప్రయత్నం చేసింది భాగ్య శ్రీ. సో ఇక్కడ తన కెరీర్ సెట్ చేసుకోవాలని గట్టిగా ఫిక్స్ అయ్యే అమ్మడు వచ్చిందని ఆమె చేస్తున్న యాక్టివిటీస్ వల్ల తెలుస్తుంది. మిస్టర్ బచ్చన్ సెట్స్ మీద ఉండగానే విజయ్ దేవరకొండతో ఛాన్స్ అందుకుంది. మిస్టర్ బచ్చన్ అనుకున్న విధంగానే హిట్ పడితే మాత్రం అమ్మడికి మరిన్ని ఛాన్సులు వస్తాయి. సో కరెక్ట్ టైం లో కరెక్ట్ సినిమాతో భాగ్య శ్రీ టాలీవుడ్ ఎంట్రీ అమ్మడి కెరీర్ గ్రాఫ్ ని ఒక రేంజ్ కి తీసుకెళ్తుందని చెప్పొచ్చు.