మెగాస్టార్ చిరంజీవి నటించిన భోళా శంకర్ సినిమా మరువారం రోజు ప్రేక్షకుల ముందుకు రాబోతోంది ఈ ఏడాది సంక్రాంతికి బాక్సాఫీస్ వద్ద వాల్తేరు వీరయ్య సినిమాతో మంచి సక్సెస్ అందుకున్న మెగాస్టార్ చిరంజీవి తన స్టామినా ఏమిటో నిరూపించారు. రెగ్యులర్ కమర్షియల్ సినిమాతో అయినా సరే ఆయన బాక్సాఫీస్ వద్ద మంచి కలెక్షన్స్ అందుకుంటారు అని ఆ సినిమాతో అర్థమైంది.
ఇక ఇప్పుడు తమిళ సినిమాకు రీమేక్ అయినటువంటి భోళా శంకర్ సినిమాపై కూడా అదే నమ్మకంతో చిత్ర యూనిట్ గట్టిగానే ప్రమోషన్స్ చేస్తోంది. ఇక ఈ సినిమాకు సంబంధించిన సెన్సార్ పనులు కూడా పూర్తయ్యాయి. భోళా శంకర్ సినిమా 159 నిమిషాల (2 గంటల 39 నిమిషాలు) రన్‌టైమ్‌తో U/A సర్టిఫికేట్‌ను పొందింది.
కస్ వర్డ్, హింసాత్మక షాట్‌లు మరియు స్మోకింగ్/డ్రగ్స్ సన్నివేశాలకు చిన్నపాటి మార్పులు చేసినప్పటికీ, సినిమా కంటెంట్ "వాల్తేరు వీరయ్య"తో సమానంగా వినోదాన్ని అందిస్తుందని నమ్మకంతో ఉన్నారు. పాతకాలపు చిరును తలపించే వినోదం, యాక్షన్ మరియు సెంటిమెంట్‌ల సమ్మేళనంతో ఈ చిత్రం ఆనందకరమైన అనుభూతిని కలిగిస్తుందని మెహర్ రమేష్ టీమ్ సభ్యులు చెబుతున్నారు.
థియేటర్లలో ప్రేక్షకుల నుండి నవ్వులు పూయించడం గ్యారెంటీ అని మెగాస్టార్ పవన్ కళ్యాణ్ మ్యానరిజమ్స్ కూడా హైలెట్ కాబోతున్నాయని ఇదివరకే తెలియజేశారు. ఇక మెహర్ రమేష్ ఈ సినిమాతో ఎలాగైనా బాక్స్ ఆఫీస్ వద్ద మంచి సక్సెస్ అందుకోవాలని అనుకుంటున్నాడు. అలాగే నిర్మాత అనిల్ సుంకర కూడా ఈ సినిమాతోనే బాక్సాఫీస్ వద్ద వీలైనంత ఎక్కువ స్థాయిలో ప్రాఫిట్స్ కూడా సాధించాలని అనుకుంటున్నాడు.
ఎందుకంటే అతని ప్రొడక్షన్లో వచ్చిన ఏజెంట్ సినిమా దారుణంగా నష్టాలను కలిగించిన విషయం తెలిసిందే. ఇక ఇప్పుడు ఏజెంట్ సినిమా డిస్ట్రిబ్యూట్ చేసిన చాలామంది బయ్యర్లకు అనిల్ సుంకర కాస్త తక్కువ రేట్లకు భోళా శంకర్ సినిమాను అమ్మినట్లుగా తెలుస్తోంది. ఇక ఈ సినిమాపై తమన్నా భాటియా కూడా ఆశలు పెట్టుకుంది. ఆమె కూడా కమర్షియల్ సక్సెస్ చూసి చాలా కాలం అయింది. కాబట్టి ఈ సినిమాతోనే మళ్లీ తన క్రేజ్ పెంచుకోవాలని అనుకుంటుంది. ఇక ఈ సినిమాలో కీర్తి సురేష్ మెగాస్టార్ సోదరిగా కనిపించగా సుశాంత్ మరొక ముఖ్యమైన పాత్రలో నటించాడు.