OGలో ఛాన్స్ కొట్టేసిన బిగ్ బాస్ బ్యూటీ

పవర్ స్టార్ పవన్ కళ్యాణ్ హీరోగా సుజిత్ దర్శకత్వంలో తెరకెక్కుతోన్న మూవీ OG. ఈ మూవీ షూటింగ్ ఇప్పటికే సగం కంప్లీట్ అయ్యింది. అయితే పవన్ కళ్యాణ్ ఏపీ రాజకీయాలలో బిజీ కావడంతో సినిమా షూటింగ్ ప్రస్తుతానికి వాయిదా పడింది. మరల ఎన్నికల తర్వాత తిరిగి ప్రారంభమయ్యే అవకాశం ఉంది. కరెక్ట్ గా పవన్ కళ్యాణ్ డేట్స్ కేటాయిస్తే జూన్, జులై లో OG రెగ్యులర్ షూటింగ్ తిరిగి స్టార్ట్ అయ్యే ఛాన్స్ ఉంది.

ఈ సినిమాలో తమిళ్ బ్యూటీ ప్రియాంకా ఆరుళ్ మోహన్ హీరోయిన్ గా నటిస్తోంది. అలాగే బాలీవుడ్ స్టార్స్ కీలక పాత్రలలో కనిపించబోతున్నారు. పాన్ ఇండియా స్థాయిలో పవన్ కళ్యాణ్ కెరియర్ లోనే హైయెస్ట్ బడ్జెట్ తో మూవీ తెరకెక్కుతోంది. సినిమాలో పవన్ ఒజాస్ గంభీర అనే గ్యాంగ్ స్టార్ పాత్రలో కనిపించనున్నాడని తెలుస్తోంది.

ఇదిలా ఉంటే ఈ సినిమాలో బిగ్ బాస్ సీజన్ 7 ఫేం శుభశ్రీకి అవకాశం లభించిందని తెలుస్తోంది. ఓ కీలక పాత్ర కోసం డైరెక్టర్ సుజిత్ ఆమెని ఎంపిక చేశారంట. ఈ విషయాన్ని శుభశ్రీ ఓ ఇంటర్వ్యూలో చెప్పింది. మూవీలో చాలా ఇంటరెస్టింగ్ రోల్ లో తాను కనిపిస్తానని చెప్పుకొచ్చింది. అయితే ఆ పాత్ర ఏంటనేది రివీల్ చేయలేదు.

బిగ్ బాస్ లో సక్సెస్ అయిన అందాల భామలు తరువాత సినిమాలలో భాగానే అవకాశాలు సొంతం చేసుకున్నారు. వారిలో దివి, అరియానా, ఆషురెడ్డి లాంటి వారు ఉన్నారు. ఇప్పుడు వీరి జాబితాలో శుభశ్రీ కూడా చేరింది. ఈ టీనేజ్ ముద్దుగుమ్మ ఇప్పటికే కొన్ని చిన్న సినిమాలలో హీరోయిన్ పాత్రలలో కనిపించింది. ఆమె కెరియర్ లో చేస్తోన్న పెద్ద సినిమా OG.

ఈ సినిమాలో బలమైన పాత్ర పడితే మాత్రం కచ్చితంగా శుభశ్రీ కెరియర్ నెక్స్ట్ లెవల్ లి వెళ్ళిపోతుంది. మరి అది ఎంత వరకు సాధ్యం అవుతుందనేది చూడాలి. ఈ సీజన్ లో సీరియల్ యాక్టర్ శోభశెట్టి, ప్రియాంక కూడా మంచి పాపులారిటీ సొంతం చేసుకున్నారు. బిగ్ బాస్ తీసుకొచ్చిన ఇమేజ్ తో ఈ అందాల భామలు వెండితెరపైన ఏమైనా అవకాశాలు దక్కించుకుంటారా అనేది చూడాలి.