మరీ ఇంత క్యూట్‌ గా ఉన్నావేంటి దివి..?
తెలుగు బిగ్ బాస్ ద్వారా ప్రేక్షకులకు పరిచయం అయిన ముద్దుగుమ్మ దివి.
తెలుగు బిగ్ బాస్ ద్వారా ప్రేక్షకులకు పరిచయం అయిన ముద్దుగుమ్మ దివి. అంతకు ముందు పలు సినిమాల్లో నటించినా కూడా అవేవి పెద్దగా దివికి గుర్తింపును తెచ్చి పెట్టలేక పోయాయి. కానీ ఎప్పుడైతే బిగ్ బాస్ లో దివి ఎంట్రీ ఇచ్చిందో అప్పటి నుంచి అందరి దృష్టి ఆమె పై పడింది. షో లో కొన్ని రోజుల వరకు సైలెంట్‌ గా ఉన్న దివి ఒక రోజు అందరి చూపు తన వైపు తిప్పుకుంది. హౌస్ లో ఉన్నది కొన్ని రోజులే అయినా కూడా దివికి మంచి పాపులారిటీ దక్కింది. బిగ్ బాస్ ఫైనల్‌ ఎపిసోడ్‌ రోజు చిరంజీవి మాట్లాడుతూ దివిపై ప్రశంసల వర్షం కురిపించడంతో పాటు ఆమె అందం ను పొగడ్తలతో ముంచెత్తాడు.
చిరంజీవి స్వయంగా మాట్లాడుతూ దివి కి తన సినిమాలో ఛాన్స్ ఇస్తాను అంటూ హామీ ఇచ్చారు. ఆయన చెప్పినట్లుగానే దివికి సినిమా ఛాన్స్ దక్కింది. అయితే సినిమాల్లో దివికి అదృష్టం కలిసి రాలేదు. బిగ్ బాస్ తర్వాత దివి చాలా సినిమాల్లో నటించింది. కానీ ఏ ఒక్క సినిమా కూడా నటిగా ఆమెను మరో స్థాయికి తీసుకు వెళ్లలేక పోయాయి. అయితే సోషల్ మీడియాలో మాత్రం ఆమె క్రేజ్‌ స్టార్ హీరోయిన్స్ రేంజ్ లో దూసుకు పోతూనే ఉంది. దాదాపుగా 1.3 మిలియన్‌ల ఫాలోవర్స్ ను ఇన్‌స్టాగ్రామ్‌ లో కలిగి ఉన్న దివి రెగ్యులర్ గా తన అందమైన ఫోటోలను షేర్‌ చేస్తూ వైరల్‌ అవ్వడం మనం చూస్తూనే ఉన్నాం.
తాజాగా మరోసారి దివి తన అందమైన క్యూట్‌ ఫోటోలను షేర్‌ చేసింది. దివి ఇప్పటి వరకు చాలా సార్లు స్కిన్‌ షో ఫోటోలు షేర్‌ చేసింది. నడుము అందాలను చూపిస్తూ చీర కట్టు లో కనిపించింది. ఇంకా పలు రకాల ఔట్‌ ఫిట్‌ లో కనిపించి కన్నుల విందు చేసింది. అయితే ఈసారి మేకప్‌ ఏమీ లేకుండా సింపుల్‌ అండ్‌ స్వీట్‌ లుక్ లో చాలా నేచురల్‌ గా పెద్దగా ఫిల్టర్స్ ఏమీ లేకుండా నే తీసుకున్న ఈ ఫోటోను దివి షేర్‌ చేసింది. పెద్దగా మేకప్‌ లేకున్నా కూడా దివి చాలా అందంగా ఉందని, నేచురల్‌ బ్యూటీ అంటూ నెటిజన్స్‌ మరియు ఫాలోవర్స్ కామెంట్స్‌ చేస్తున్నారు.
ఈ అమ్మడికి సోషల్ మీడియాలో హీరోయిన్స్ స్థాయి ఇమేజ్ ఉండటంతో పలువురు ఫిల్మ్‌ మేకర్స్ ఆమెతో సినిమాలు చేసేందుకు ఆసక్తి చూపుతున్నట్లు సమాచారం అందుతోంది. కానీ దివి మాత్రం చాలా అరుదుగా మాత్రమే సినిమాల్లో నటిస్తోంది. పాత్రకు ప్రాముఖ్యత లేకుంటే వాటిని తిరస్కరిస్తోంది. అంతే కాకుండా కథ బాగుండాలి, దర్శకుడు, హీరో కూడా బాగుండాలి అంటూ కొన్ని కండిషన్స్ ను దివి పెడుతుందని, అందుకే ఎక్కువ సినిమాలు చేయడం లేదనే టాక్‌ ఇండస్ట్రీ వర్గాల్లో వినిపిస్తోంది. వెబ్‌ సిరీస్ ల్లో కూడా ఈ అమ్మడికి నటించే అవకాశాలు వస్తున్నాయి. వాటిని కూడా ఆచితూచి ఎంపిక చేసుకుంటోంది.