ప‌చ్చ కోక ఎర్ర గులాబీలు మ‌తి చెడ‌గొట్టిన ర‌ష్మిక‌

ప‌చ్చ కోక.. ఎర్ర గులాబీలు .. కాంబినేష‌న్ ల‌వ్ సింబ‌ల్ హ్యాండ్ బ్యాగ్ తో బ్యాక్ ఫీట్ లో ఫోటోగ్రాఫ‌ర్స్ కి ఫోజులిచ్చి గుబులు రేపింది ర‌ష్మిక మంద‌న‌. చీర ర‌వికెలో స్టన్నింగ్ ఫోజుల‌తో మ‌తి చెడ‌గొట్టిన ఈ బ్యూటీ ఒక్క కన్న‌గీటుడు ఫీట్ తో మైండ్ బ్లాక్ చేసింది. ర‌ష్మిక‌ అదిరిపోయే ఫ్యాష‌న్ సెన్స్ కి యూత్ ఫిదా అయిపోతున్నారు. ప్ర‌స్తుతం ఈ యూనిక్ ఫోటోషూట్ అంత‌ర్జాలంలో సునామీ స్పీడ్ తో దూసుకుపోతోంది.

పుష్ప‌లో శ్రీ‌వ‌ల్లిగా, యానిమ‌ల్ లో గీతాంజ‌లిగా అద్భుత న‌ట‌న‌తో క‌ట్టి ప‌డేసిన ఈ బ్యూటీ ప్ర‌స్తుతం బాలీవుడ్ అగ్ర హీరోల స‌ర‌స‌న వ‌రుస చిత్రాల్లో న‌టిస్తోంది. అటు స‌ల్మాన్ ఖాన్- ఏ.ఆర్ మురుగ‌దాస్ కాంబినేష‌న్ లో వ‌స్తున్న సికంద‌ర్ లో ర‌ష్మిక మంద‌న్న అవ‌కాశం అందుకుంది. ధనుష్‌తో కలిసి కుబేరలో కనిపించనుంది. ఈ చిత్రంలో రష్మిక - ధనుష్‌లతో పాటు అక్కినేని నాగార్జున- జిమ్ సర్భ్ కూడా ముఖ్యమైన పాత్రల్లో నటిస్తున్నారు. శ్రీ వెంకటేశ్వర సినిమాస్ ఎల్‌ఎల్‌పి బ్యానర్‌పై సునీల్ నారంగ్ నిర్మిస్తున్న ఈ చిత్రానికి దేవిశ్రీ ప్రసాద్ సంగీతం అందించారు. కుబేర పాన్-ఇండియన్ రిలీజ్ కి సిద్ధ‌మ‌వుతోంది. తమిళం, తెలుగు, హిందీ, మలయాళం, కన్నడ భాషలలో విడుదలయ్యే అవకాశం ఉంది.

అల్లు అర్జున్ - ఫహద్ ఫాసిల్ కీలక పాత్రల్లో నటించిన `పుష్ప: ది రూల్`లోను రష్మిక తిరిగి శ్రీ‌వ‌ల్లిగా త‌న పాత్ర‌తో మైమ‌రిపించ‌నుంది. ఈ చిత్రంలో జగపతి బాబు, ప్రకాష్ రాజ్, సునీల్, ధనంజయ, జగదీష్ ప్రతాప్ త‌దిత‌రులు న‌టిస్తున్నారు. రాహుల్ రవీంద్రన్ ద‌ర్శ‌క‌త్వంలోని స‌స్పెన్స్ చిత్రం `ది గర్ల్‌ఫ్రెండ్`లోను ర‌ష్మిక న‌టిస్తోంది. ధీక్షిత్ శెట్టి సరసన కనిపిస్తుంది. రెయిన్ బో అనే తెలుగు చిత్రంలోను ర‌ష్మిక న‌టిస్తోంది.