టీజర్.. హారర్ కిక్కులో మమ్ముట్టి 'భ్రమయుగం'

మలయాళ మెగాస్టార్ మమ్ముట్టి ప్రస్తుతం వరుస సినిమాలతో బిజీ బిజీగా గడుపుతున్నారు 70 ఏళ్ల వయసున్న ఈయన యువ హీరోలకు ధీటుగా సినిమాలు చేస్తున్నారు. మమ్ముట్టికి మలయాళంతో పాటు తెలుగులోనూ మంచి క్రేజ్ ఉంది. మహి. వి రాఘవ తెరకెక్కించిన 'యాత్ర' సినిమాతో మమ్ముట్టి తెలుగు ప్రేక్షకులకు ఎంతో దగ్గరయ్యారు. ఈ మధ్య ఆయన నటిస్తున్న మలయాళీ సినిమాలు తెలుగులో డబ్ అయి ఇక్కడ కూడా మంచి రెస్పాన్స్ అందుకుంటున్నాయి.

రీసెంట్ గా ఆయన నటించిన కన్నూర్ స్క్వాడ్, కాథల్ ది కోర్ సినిమాలు మంచి విజయాలు అందుతున్నాయి. ఇక ప్రస్తుతం ఆయన లీడ్ రోల్ లో నటిస్తున్న చిత్రం 'భ్రమయుగం'. భూతకాలం' మూవీ ఫేమ్ రాహుల్ సదాశివన్ ఈ చిత్రానికి దర్శకత్వం వహిస్తున్నారు. కేరళలోని చీకటి యుగాల నేపథ్యంలో ఈ సినిమా ఉండనున్నట్లు తెలుస్తోంది.

ఇప్పటికే సినిమా నుంచి రిలీజ్ అయిన టైటిల్ పోస్టర్, మమ్ముట్టి ఫస్ట్ లుక్ ఆడియన్స్ నుంచి మంచి రెస్పాన్స్ ని అందుకోవడంతోపాటు సినిమాపై ఆసక్తిని పెంచగా ఈరోజు టీజర్ ని రిలీజ్ చేశారు. మేకర్స్ తాజాగా రిలీజ్ అయిన ఈ టీజర్ సస్పెన్స్ థ్రిల్లింగ్ ఎలిమెంట్స్ తో ఆకట్టుకుంది. టీజర్ అంతా డార్క్ థీమ్ మోడ్ లోనే ఉండడంతో చూస్తున్నంత సేపు హారర్ ఫీలింగ్స్ వచ్చాయి. డార్క్ థీమ్ లోనే టీజర్ లో చూపించిన విజువల్స్ నెక్స్ట్ లెవెల్ లో ఉన్నాయి.

ఇక విజువల్స్ కు తగ్గట్టు బిజిఎం ఆ సీన్స్ ని నెక్స్ట్ లెవెల్ లో ఎలిమెంట్ చేసింది. ఇక టీజర్ చివర్లో మమ్ముట్టి డిఫరెంట్ గెటప్ లో కనిపించారు. మొత్తంగా డార్క్ దీంతో హారర్ ఫీల్స్ ఇచ్చిన బ్రహ్మయుగం టీజర్ ఒక్కసారిగా సినిమాపై అంచనాలను రెట్టింపు చేసింది. నైట్ షిఫ్ట్ స్టూడియోస్, వై నాట్ స్టూడియోస్ బ్యానర్ల పై రామచంద్ర, ఎస్. శశికాంత్ ఈ సినిమాని సంయుక్తంగా నిర్మిస్తున్నారు.

ఇక ఈ సినిమాలో అర్జున్ అశోకన్, సిద్ధార్థ్ భరతన్, అమల్దా లిజ్ ఇతర కీలక పాత్రల్లో నటిస్తున్నారు. భారీ బడ్జెట్ తో రూపొందుతున్న ఈ సినిమాని పాన్ ఇండియా లెవెల్ లో మలయాళం తో పాటు హిందీ, తెలుగు, తమిళ, కన్నడ భాషల్లో విడుదల చేయనున్నారు. ప్రస్తుతం చిత్రీకరణ దశలో ఉన్న ఈ సినిమాని సమ్మర్ విడుదల చేసేందుకు మేకర్స్ ప్లాన్ చేస్తున్నారు.