పుష్ప 2 ఐటెం సాంగ్.. డబుల్ గ్లామర్?

'పుష్ప' సినిమాలో సమంత చేసిన ఊ అంటావా పాట ఎంత పెద్ద హిట్ అయ్యిందో అందరికి తెలిసిందే. ఈ సినిమా దేశ వ్యాప్తంగా సంచలనం సృష్టించింది. రికార్డ్ స్థాయిలో వ్యూవ్స్ సొంతం చేసుకుంది. 'పుష్ప' మూవీ సక్సెస్ లో ఈ పాటకి కూడా క్రెడిట్ ఇవ్వాల్సిందే. ఇదిలా ఉంటే ప్రస్తుతం 'పుష్ప 2' మూవీలో కూడా ఊ అంటావా రేంజ్ ట్యూన్స్ ని దేవిశ్రీ ప్రసాద్ రెడీ చేసాడు. దీనికి చంద్రబోస్ సాహిత్యం ప్రత్యేక ఆకర్షణగా నిలవనుందని తెలుస్తోంది.

ఈ పాటలో శ్రీలీల డాన్స్ చేయబోతోందని సమాచారం. త్వరలో ఈ పాట చిత్రీకరణ జరగనుందని తెలుస్తోంది. శ్రీలీల డాన్స్ పెర్ఫార్మెన్స్ ఎలా ఉంటుందో ప్రత్యేకంగా చెప్పాల్సిన పని లేదు. కచ్చితంగా ఆమె ఈ ఐటెం సాంగ్ కి మంచి గ్లామర్ తీసుకొస్తుందని భావిస్తున్నారు. ఇదిలా ఉంటే ఈ సాంగ్ లో సమంత కూడా గెస్ట్ అప్పీరియన్స్ ఇవ్వబోతోందని టాక్ వినిపిస్తోంది. ఆమె సాంగ్ లో ప్రత్యేకంగా మెరవనుందంట.

అంటే అల్లు అర్జున్ ఈ ఐటెం సాంగ్ లో ఇద్దరు భామలతో కలిసి అదిరిపోయే డాన్స్ స్టెప్పులు వేయనున్నాడని తెలుస్తోంది. అదే నిజం అయితే కచ్చితంగా ఈ పాటకి మరోసారి నేషనల్ లెవల్ క్రేజ్ రావడం గ్యారెంటీ అని సినీ విశ్లేషకులు అంటున్నారు. డిసెంబర్ 5న 'పుష్ప 2' మూవీ వరల్డ్ వైడ్ గా ఐదు భాషలలో ప్రేక్షకుల ముందుకి రానుంది.

సినిమాపై భారీ అంచనాలు నెలకొని ఉన్నాయి. థీయాట్రికల్, నాన్ థీయాత్రికల్ కలిపి 1000 కోట్లకి పైగా బిజినెస్ ఈ సినిమా పైన జరిగింది. ఎగ్జిబిటర్లు కూడా ఈ సినిమా తమకి భారీ లాభాలు తెచ్చిపెడుతుందని నమ్మకంగా ఉన్నారు. తెలుగులో కంటే నార్త్ ఇండియాలో 'పుష్ప 2' కి ఎక్కువ క్రేజ్ ఉంది. అక్కడ చాలా రికార్డులని ఈ చిత్రం బ్రేక్ చేస్తుందని అనుకుంటున్నారు.

సమంత స్పెషల్ ఎట్రాక్షన్ ఉండటంతో అది కూడా ఈ చిత్రానికి అదనపు అడ్వాంటేజ్ అవుతుందని భావిస్తున్నారు. ఈ సినిమాలులో అల్లు అర్జున్ కి జోడీగా రష్మిక మందన కనిపించబోతోంది. ఫాహద్ ఫాజిల్, సునీల్, అనసూయ, జగపతి బాబు కీలక పాత్రలలో కనిపించబోతున్నారు. ఈ సినిమా సక్సెస్ రేంజ్ బట్టి దీనికి కొనసాగింపు గా ప్లాన్ చేస్తోన్న 'పుష్ప 3' పైన హైప్ క్రియేట్ అయ్యే అవకాశాలు ఉన్నాయి.