బాల‌య్య వేడుక‌కు మిస్సైన ప్ర‌ముఖులు వీళ్లే!
న‌ట‌సింహ బాల‌కృష్ణ పేరిట నిన్న‌టి రోజున తెలుగు చ‌ల‌న చిత్ర ప‌రిశ్ర‌మ స్వర్ణోత్స‌వ వేడుకును ఘ‌నంగా నిర్వ‌హించిన సంగ‌తి తెలిసిందే.
న‌ట‌సింహ బాల‌కృష్ణ పేరిట నిన్న‌టి రోజున తెలుగు చ‌ల‌న చిత్ర ప‌రిశ్ర‌మ స్వర్ణోత్స‌వ వేడుకును ఘ‌నంగా నిర్వ‌హించిన సంగ‌తి తెలిసిందే. ఈ వేడుకు బాల‌య్య త‌రం హీరోలైన చిరంజీవి, వెంక‌టేష్ స‌హా చాలా మంది హాజ‌ర‌య్యారు. ఆ త‌ర్వాత త‌రం...నేటి జ‌న‌రేష‌న్ యంగ్ హీరోలు చాలా మంది విచ్చేసారు. అయితే బాల‌య్య త‌రం హీరో కింగ్ నాగార్జున మాత్రం ఎక్క‌డా క‌నిపించ‌లేదు. ప‌రిశ్ర‌మ త‌రుపున ఆయ‌న‌కు ప్ర‌త్యేక ఆహ్వానం అందింది. ముఖ్య అతిధుల జాబితాలో ఆయ‌న పేరు కూడా ఉంది.
దీంతో నాగార్జున త‌ప్ప‌క హాజ‌ర‌వుతార‌నే అంతా భావించారు. పైగా నాగార్జున-చిరంజీవి ఎంతో క్లోజ్ ప్రెండ్స్. బాల‌య్య కి సంబంధించి ప్ర‌త్యేక‌మైన ఈవెంట్ కాబ‌ట్టి హాజ‌ర‌య్యే అవకాశం ఉంద‌ని చాలా మంది భావించారు. కానీ నాగార్జున అటెండ్ అవ్వ‌లేదు. ఆయ‌న రాక‌పోయినా కుమారులు నాగ‌చైత‌న్య లేదా? అఖిల్ అయినా హాజ‌ర‌వ్వొచ్చ‌ని బాల‌య్య అభిమానులు భావించారు. అఖిల్ పేరు కూడా అతిధుల జాబితాలో ఉంది.
కానీ అన్న‌ద‌మ్ములిద్ద‌రిలో ఏ ఒక్క‌రూ కూడా హాజ‌రు కాలేదు. అలాగే నంద‌మూరి వార‌సులు, అన్న‌ద మ్ములు కళ్యాణ్ రామ్ -జూనియ‌ర్ ఎన్టీఆర్ కూడా బాబాయ్ ఈవెంట్ కి హాజ‌ర‌వుతార‌ని భావించారు. కానీ వాళ్లు కూడా రాలేదు. తార‌క్ క‌ర్ణాట‌క దేవాల‌యాల ప్ర‌ద‌ర్శ‌న‌లో ఉండ‌టంతో అటెండ్ కాన‌ట్లు తెలుస్తోంది. క‌ల్యాణ్ రామ్ బిజీ షెడ్యూల్ కార‌ణంగా హాజ‌రు కాన‌ట్లు అభిమానులు భావిస్తున్నారు.
ఇక ఏపీ ముఖ్యంత్రి నారా చంద్ర‌బాబు నాయుడు, డిప్యూటీ సీఎం ప‌వ‌న్ కళ్యాణ్, మంత్రి లోకేష్ కూడా హాజ‌ర‌వుతార‌ని భావించారు. వాళ్ల‌కు ప్ర‌త్యేక ఆహ్వానాలు అందాయి. కానీ ఏపీలో భారీ వ‌ర్షాలతో రాజ‌ధాని అమ‌రావ‌తి- గుంటూరు ప్రాంతాలు మునిగి పోవ‌డంతో వాళ్లు హాజ‌రు కాలేక‌పోయారు.