ట్రైల‌ర్ టాక్‌: యాక్ష‌న్ జాన‌ర్‌లో డెడ్ పూల్ ప్ర‌త్యేక‌త అదే

భారీత‌నం నిండిన విజువ‌ల్స్ .. వీఎఫ్ఎక్స్ మాయాజాలం.. దానికి తోడు భారీ యాక్ష‌న్ ఎపిసోడ్స్.. క‌థానాయ‌కుల‌ రంజింప‌జేసే సాహ‌సాల‌తో .. క్రేజీ స్టార్లు న‌టించిన డెడ్ పూల్ ఫ్రాంఛైజీ సినిమాలు ఇప్ప‌టికే ప్ర‌పంచ‌వ్యాప్తంగా ఆడియెన్ ని ఆక‌ట్టుకుంటున్నాయి. ఈ సిరీస్ లో కొత్త సినిమా విడుద‌ల‌కు సిద్ధ‌మ‌వుతోంది. డెడ్ పూల్ అండ్ వాల్వ‌రిన్ త్వ‌ర‌లో విడుద‌ల‌కు రానుండ‌గా... రోజుకో స్పెష‌ల్ స‌ర్ప‌రైజ్ తో మార్వెల్ మూవీ ఫ్యాన్స్ ను ఉక్కిరిబిక్కిరి చేస్తున్నారు.

ర‌య‌న్ రెనాల్డ్స్, హుయ్ జాక్ మెన్ ప్ర‌థాన పాత్ర‌ల్లో న‌టించిన ఈ సినిమాపై భారీ బ‌జ్ నెల‌కొంది. ప్ర‌పంచ‌వ్యాప్తంగా భారీ రేంజ్ లో జూలై 26న విడుద‌లకు సిద్ధంగా ఉంది. ఈ ప్రాజెక్ట్ కి సంబంధించి విడుద‌లైన టీజ‌ర్లు, ట్రైల‌ర్లు ఇప్ప‌టికే వ‌రల్డ్ వైడ్ ఫుల్ సెన్సేష‌న్ క్రియేట్ చేశాయి. ఇప్పుడు ఆ క్రేజ్ ని మ‌రింత‌గా పెంచేస్తూ డెడ్ పుల్ అండ్ వాల్వ‌రిన్ చిత్ర బృందం ఫైన‌ల్ ట్రైల‌ర్ ని విడుద‌ల చేశారు.

ఇప్ప‌టివ‌రుకు విడుద‌లైన ప్ర‌తి వీడియో కంటెంట్ లో ఏదొక స్పెష‌ల్ అప్పీరెన్స్ ను ప‌రిచ‌యం చేస్తూ సినిమాలో డెడ్ పుల్ అండ్ వాల్వ‌రిన్ తో పాటు ఇంకా చాలా మంది సూప‌ర్ హీరోలు ఉన్నార‌నే హింట్స్ ఇస్తూ వ‌స్తున్న మార్వెల్ టీమ్, తాజాగా విడుద‌ల చేసిన ఫైన‌ల్ ట్రైల‌ర్ లో కూడా అదే పంథా కొన‌సాగించారు.

ఈ ట్రైల‌ర్ లో లేడీ డెడ్ పుల్ అలానే వాల్వ‌రిన్ కూతురిని ప‌రిచ‌యం చేశారు. డెడ్ పుల్ చేసే విన్యాసాలును ఎంజాయ్ చేసే మార్వెల్ మూవీ ల‌వ‌ర్స్ ఇప్పుడు లేడీ డెడ్ పుల్ చేసే యాక్ష‌న్ ని కూడా చూడ‌బోతున్నారు. ఇందులో ఏడుగురు సూప‌ర్ హీరోల‌ను చూపించ‌బోతుండ‌డం ఆస‌క్తిక‌రం. వారిని ర‌క్షించేందుక ఎక్స్ మేన్ ఏం చేస్తాడో చూడాల‌న్న క్యూరియాసిటీ ట్రైల‌ర్ పెంచింది. డెడ్ పుల్ అండ్ వాల్వ‌రిన్ ఇంగ్లీష్ తో పాటు అనేక భాష‌ల్లో విడుద‌ల కానుంది. తెలుగులో డెడ్ పుల్ సిరీస్ కి ఉన్న క్రేజ్ రీత్య డెడ్ పుల్ & వాల్వ‌రిన్ చిత్రాన్ని భారీ స్థాయిలో విడుద‌ల చేస్తున్నారు. తెలుగు అనువాదం ఆస‌క్తిక‌రంగా ఉంది. ఇందులో పంచ్ డైలాగులు, జోకులు కూడా ఆడియెన్ కి క‌నెక్ట‌వుతున్నాయి. ట్రైల‌ర్ ఆద్యంతం ఆస‌క్తిని క‌లిగించే ఎలిమెంట్స్ తో సాగుతోంది. సూప‌ర్ మేన్ సినిమాల కేట‌గిరీలో డెడ్ పూల్ కి ప్ర‌త్యేక‌త ఉంద‌ని మ‌రోసారి నిరూప‌ణ కానుంది.