జ‌పాన్‌లోను దేవ‌ర‌కొండ‌ పాపుల‌ర్ ఇపుడు

యానిమ‌ల్ త‌ర్వాత బ్యాక్ టు బ్యాక్ సినిమాల్లో న‌టిస్తూ బిజీగా ఉంది ర‌ష్మిక మంద‌న్న‌. త‌ను న‌టించిన పుష్ప 2 పాన్ ఇండియా కేట‌గిరీలో అత్యంత భారీగా విడుద‌ల కావాల్సి ఉంది. ఇంత‌లోనే వ‌రుస చిత్రాల్లో న‌టిస్తున్న ర‌ష్మిక చిన్న బ్రేక్ తీసుకుని జ‌పాన్ ప‌య‌న‌మైంది.

ప్రస్తుతం `క్రంచైరోల్ అనిమే అవార్డ్స్` కోసం జపాన్‌లో ఉన్న రష్మిక మందన్న అక్క‌డ త‌న‌దైన అందం వాక్చాతుర్యంతో జ‌ప‌నీల్లో వేవ్స్ క్రియేట్ చేస్తోంది. దేవ‌ర‌కొండ‌కు ఇప్పుడు అక్క‌డ కూడా ఫ్యాన్స్ ఏర్ప‌డ్డారు. ఇదే స‌మ‌యంలో త‌న స్నేహితుడు, స‌న్నిహిత మిత్రుడు అయిన విజ‌య్ దేవ‌ర‌కొండ గురించి జ‌ప‌నీల‌కు ప‌రిచ‌యం చేయ‌డం ఆస‌క్తిక‌రం. దేవ‌ర‌కొండ త‌న‌కు ఎలాంటి స్నేహితుడో జ‌పాన్ సాక్షిగా మరోసారి ర‌ష్మిక వెల్ల‌డించారు.

త‌మ మ‌ధ్య‌ సంబంధం గురించి పుకార్లను ప్రస్తావించిన‌ రష్మిక తన జీవితంలో విజయ్ సలహా ప్రాముఖ్యతను నొక్కి చెప్పింది. అత‌డంటే త‌న‌కు ఎంతో గౌర‌వం ఉంద‌ని అన్నారు. ``విజు నేను కలిసి పెరిగాము. కాబట్టి ప్రస్తుతం నా జీవితంలో నేను చేసే ప్రతి పనికి అతడి సహకారం త‌ప్ప‌నిస‌రి`` అని తెలిపింది. విజయ్ మార్గదర్శకత్వంపై రష్మికకు పూర్తి న‌మ్మ‌కం ఉంది. అత‌డంటే గొప్ప‌ అభిమానం స్పష్టంగా ఉంది. తెరపై ఈ జంట క‌లిసి ప‌ని చేయాల‌ని అభిమానులు కోరుకుంటున్నారు. గీత గోవిందం- వ‌ర‌ల్డ్ ఫేమ‌స్ ల‌వర్ త‌ర్వాత మ‌రోసారి ర‌ష్మిక‌-విజ‌య్ జంట క‌లిసి ప‌ని చేయాల‌ని అభిమానులు ఆకాంక్షిస్తున్నారు. ఏదో ఒక విధంగా ర‌ష్మిక వ‌ల్ల ఇప్పుడు దేవ‌ర‌కొండ జ‌పాన్ లోను ఫేమ‌స్ అయ్యారు.