'OG' సలార్ ని మించి ఉంటుందా?

ప్రభాస్ హీరోగా నటించిన సలార్ సినిమాతో ఒక్కసారిగా లైమ్ లైట్ లోకి లోకి వచ్చింది తమిళ నటి శ్రియా రెడ్డి. అప్పట్లో కోలీవుడ్ హీరో విశాల్ నటించిన 'పొగరు' సినిమాలో లేడి విలన్ గా అదరగొట్టిన ఈమె ఇప్పుడు టాలీవుడ్ లో బిజీ ఆర్టిస్ట్ గా మారుతుంది. ప్రశాంత్ నీల్ దర్శకత్వం వహించిన 'సలార్' మూవీలో జగపతిబాబు కూతురుగా 'రాధా రమ' అనే పాత్రలో నటించి అందరి దృష్టిని ఆకర్షించింది.

సలార్ భారీ విజయాన్ని అందుకోవడంతో రోజురోజుకీ శ్రియా రెడ్డి క్రేజ్ పెరిగిపోతుంది. దీంతో వరుస ఇంటర్వ్యూస్ ఇస్తున్న ఈమె సలార్ తర్వాత తాను చేస్తున్న పవర్ స్టార్ 'ఓజీ' గురించి ఇంట్రెస్టింగ్ అప్డేట్స్ షేర్ చేసింది. తాజాగా ఓ ఇంటర్వ్యూలో పాల్గొన్న శ్రీయ రెడ్డి.." పవన్ కళ్యాణ్ 'ఓజి' మూవీ సలార్ ని మించి ఉంటుంది. OG కోసం సుజిత్ ఓ సరికొత్త ప్రపంచాన్ని సృష్టించారు.

అందులో నా క్యారెక్టర్ తో పాటు అర్జున్ దాస్, ప్రకాష్ రాజ్, ఇమ్రాన్ హష్మీ పాత్రలను చాలా స్ట్రాంగ్ గా రాసుకున్నారు. ఈ స్ట్రాంగ్ క్యారెక్టర్స్ అన్నింటితో సుజిత్ క్రియేట్ చేసిన OG ప్రపంచాన్ని మీరు ఏమాత్రం ఊహించలేరు. OG తో సుజిత్ ఏం చేయబోతున్నారనేది మీ ఊహకు కూడా అందదు" అంటూ OG పై తన కామెంట్స్ తో అమాంతం అంచనాలను పెంచేసింది.

క దీని కంటే ముందు మరో ఇంటర్వ్యూలో పాల్గొన్న శ్రియా రెడ్డి పవన్ కళ్యాణ్ గురించి, OG లో తన క్యారెక్టర్ గురించి మాట్లాడుతూ.." పవన్ కళ్యాణ్ అంత పెద్ద స్టార్ అని ఒజీలో నటించేంతవరకు నాకు తెలియదు. ఓజీ'లో నటిస్తున్నానని తెలియడంతో ఎక్కడికి వెళ్లినా పవన్ కల్యాణ్ అభిమానులు నన్ను చాలా గొప్పగా చూస్తున్నారు. మీరు మా హీరోతో నటిస్తున్నారు కదా? అని అడుగుతున్నారు. ఆయనకు ప్రేక్షకులలో ఉన్న ఫాలోయింగ్ నాకు ఆశ్చర్యాన్ని కలిగించింది.

సెట్‌లో ఎప్పుడు కలిసినా చాలా చక్కగా మాట్లాడతారు. ఆయన చాలా మంచి మనిషి. పవర్ స్టార్ తో కలిసి పని చేయడం హ్యాపీగా అనిపిస్తోంది. ఈ ప్రాజెక్టులో భాగం కావడం గొప్పగా ఉంది. ఈ సినిమాలో నాది నెగెటివ్ రోల్. కానీ, నా క్యారెక్టర్ లో ఎన్నో షేడ్స్ ఉంటాయి. ఈ సినిమా కోసం ఎంతో ఎదురు చూస్తున్నాను. ప్రేక్షకులతో కలిసి తొలి రోజు సినిమా చూడాలి” అని చెప్పింది.