మెల్లగా గ్లామర్ డోస్ పెంచుతున్న ఈషా రెబ్బా

తెలుగు సినీ ప్రపంచంలో తనకంటూ ప్రత్యేకమైన గుర్తింపును సంపాదించుకున్న నటి ఈషా రెబ్బా. మోడలింగ్ నుంచి హీరోయిన్‌గా ఎదిగిన ఈషా, తన సహజమైన నటనతో పాటు అందంతో కూడా ఎంతో మంది అభిమానులను సొంతం చేసుకుంది. ఇటీవలే ఆమె ఎల్లో చీరలో కనిపించిన ఫోటోలు సోషల్ మీడియాలో వైరల్ అవుతూ, ఆమెకు ఉన్న క్రేజ్‌ను మరింత పెంచాయి. ఆమెకి మేకోవర్ అందించిన టీమ్ కూడా ఎంతో శ్రద్ధతో ఈ లుక్‌ను సృష్టించడంలో సహకరించింది.

చీరలో సంప్రదాయిక అందం మరియు లేటెస్ట్ గ్లామర్ డోస్ తో ఈషా లుక్ అందరి దృష్టిని ఆకర్షించింది. ఈషా కెరీర్ ఆరంభం "అంతకు ముందు, ఆ తర్వాత" వంటి సినిమాల ద్వారా మోస్ట్ ప్రామిసింగ్ యాక్ట్రెస్‌గా పేరు తెచ్చుకుంది. కానీ ఆమెకు విస్తృతంగా గుర్తింపు తెచ్చిన చిత్రం "అ!". ఆ సినిమాలోని ఆమె పాత్ర ఎంతో మంది అభిమానులను సొంతం చేసుకుంది.

తరువాత, అమీ తుమీ, బ్రాండ్ బాబు, దర్శకుడు వంటి చిత్రాల్లో తన నైపుణ్యాన్ని ప్రదర్శిస్తూ, ఆమె కెరీర్‌లో మరింతగా ముందుకు దూసుకెళ్లింది. ఈషా రెబ్బా హైదరాబాద్ అమ్మాయే. తెలుగు హీరోయిన్ గా తనకంటూ ఒక ప్రత్యేకమైన క్రేజ్ అందుకున్న అమ్మడు ఎలాంటి పాత్ర చేసినా కొత్తగా ఉంటుందని చెప్పవచ్చు. ఇక సోషల్ మీడియాలో ఆమె లైఫ్‌ను, స్టైల్‌ కు సంబంధించిన విశేషాలను షేర్ చేసుకుంటూ ఉంటుంది.

ప్రతిసారి కొత్త ఫోటోషూట్ల ద్వారా ఆమె తన ఫ్యాషన్ ఐకాన్ ఇమేజ్‌ను కాపాడుకుంటూ, తనకు ఉన్న అభిమానులకు స్ఫూర్తి ఇస్తూ ఉంటోంది. ఈ ముద్దుగుమ్మ అందం మాత్రమే కాదు, తన అభినయం ద్వారా కూడా తనకంటూ ప్రత్యేకమైన గుర్తింపును సాధించింది. ఇక చివరగా ఈషా సుధీర్ బాబు హీరోగా నటించిన మామా మశ్చీంద్ర సినిమాలో నటించింది. అయితే ఆ సినిమా అంతగా ఆడలేదు. ప్రస్తుతం మరో చిన్న సినిమాలో నటిస్తున్నట్లు సమాచారం.