పొగాకు కంపెనీకి లైఫ్ ఇన్సెరెన్స్ కంపెనీలో వాటా?

నేను ధూమపానం చేసేవాడిని, కాబట్టి ధూమపానం చేయవద్దని ప్రజలకు చెప్పే వ్యక్తిని కాదు.. అని అన్నారు ఫ‌హ‌ద్ ఫాజిల్. పుష్ప చిత్రంలో ఫారెస్ట్ ఆఫీస‌ర్ గా న‌టించిన ఫ‌హ‌ద్, క‌మ‌ల్ హాస‌న్ 'విక్ర‌మ్'లోను అండ‌ర్ కాప్ పాత్ర‌లో అల‌రించాడు. 'ట్రాన్స్' చిత్రంలో ఫాస్ట‌ర్ గా న‌టించిన అత‌డికి జాతీయ ఉత్త‌మ న‌టుడిగా అవార్డ్ ద‌క్కిన సంగ‌తి తెలిసిందే. మ‌ల‌యాళ చిత్ర‌సీమ‌లో అద్భుత‌మైన న‌టుడిగా పేరు తెచ్చుకుని ఇప్పుడు టాలీవుడ్ కోలీవుడ్ లోను స్టార్ గా వెలుగొందుతున్నాడు. అత‌డు న‌టించిన తాజా చిత్రం ఆవేశం ఘ‌న‌విజ‌యం సాధించింది. కానీ అంత‌కుముందు ధూమ‌పానం నేప‌థ్యంలో అత‌డు న‌టించిన ధూమం చిత్రం ఫెయిలైంది. ఆ సినిమా ఫెయిల్యూర్ వెన‌క కార‌ణాల‌ను తాజా ఇంట‌ర్వ్యూలో ఫ‌హ‌ద్ ముచ్చ‌టించారు.

నిజానికి ధూమం.. పొగ తాగొద్ద‌ని చెప్పే సినిమా. పొగాకు కంపెనీకి లైఫ్ ఇన్సూరెన్స్ కార్పొరేషన్ 70 శాతం యాజమాన్యం వాటా కలిగి ఉన్న ప్రస్తుత వ్యవస్థపై ప్రజలకు అవగాహన కల్పించడమే ఉద్దేశ్యం. అదే కంపెనీలు ధరలను మార్చడం, ప్రత్యామ్నాయాలను ప్రారంభించడం, చౌకైన వస్తువులను విక్రయించడం గురించి ఆశ్చర్యానికి గురిచేసింది.. దీనినే సినిమాలో చూపించాం.. అని తెలిపాడు.

కొన్ని సినిమాలు మంచి కాన్సెప్ట్‌తో ఉంటాయని, అయితే తెరపై అదే విధంగా అనువదించే అవకాశం ఉండ‌దని ఫహద్ తెలిపారు. కొన్ని విషయాలు సినిమాగా తీయడానికి కాదు. అవి ప్రజల అవగాహనకు మించినవి. ఈ కథలు, కాన్సెప్ట్‌లు వినగానే మంచి సినిమా అవకాశంగా అనిపించవచ్చు కానీ.. సినిమాగా తీయాలని ప్రయత్నించినప్పుడు అవి వ‌ర్క‌వుట్ కావు... అని అన్నాడు.

ధూమమ్ చిత్రంలో ఫహద్ ఫాసిల్ ఒక విజయవంతమైన పొగాకు కంపెనీకి ఎగ్జిక్యూటివ్ పాత్రను పోషించాడు. తాను ప‌ని చేసే పొగాకు సంస్థ ఒక బీమా కంపెనీకి చెందినది ఎలా? అనే దాని గురించి అన్వేషించే యువ‌కుడిగా క‌నిపించాడు. ధూమమ్‌లో అచ్యుత్ కుమార్, రోషన్ మాథ్యూ, అపర్ణ బాలమురళి, రోషన్ మాథ్యూ కూడా ప్రధాన పాత్రల్లో నటించారు. దీనికి పవన్ కుమార్ రచన దర్శకత్వం వహించారు. నిజానికి ఇది సైకలాజికల్ థ్రిల్లర్. ఒక వ్యక్తి (ఫహద్) చుట్టూ తిరుగుతుంది. అతను జ్ఞాపకశక్తి లేకుండా మేల్కొంటాడు. అతడు త‌న‌ గతాన్ని తెలుసుకోవాల‌నుకుంటాడు. ఈ చిత్ర‌ కథాంశం AR మురుగదాస్ 2005 చిత్రం గజినీని పోలి ఉంటుంది. సూర్య నటించిన గ‌జిని తెలుగు, త‌మిళంలో బ్లాక్ బ‌స్ట‌ర్ హిట్. 2008లో అమీర్ ఖాన్‌తో హిందీలోను తెర‌కెక్కించి విజ‌యం సాధించారు.

ఫ‌హ‌ద్ త‌దుప‌రి అల్లు అర్జున్ పుష్ప 2లో క‌నిపించ‌నున్నాడు. సుకుమార్ ఈ చిత్రాన్ని తెర‌కెక్కిస్తున్నారు. మ‌రోవైపు సౌత్ లో భారీ మ‌ల్టీస్టార‌ర్ చిత్రాల్లో న‌టిస్తూ బిజీగా ఉన్నాడు.