హనుమాన్ పై నెగిటివ్ ప్రచారం… ప్రశాంత్ వర్మ కౌంటర్

ప్రశాంత్ వర్మ దర్శకత్వంలో ఇండియన్ సూపర్ హీరో మూవీగా ప్రేక్షకుల ముందుకి వచ్చి సూపర్ హిట్ టాక్ తో దూసుకుపోతున్న సినిమా హనుమాన్. ఈ మూవీ సాలిడ్ కలెక్షన్స్ ని సాధిస్తూ రోజురోజుకి ఆడియన్స్ ని పెంచుకుంటుంది. బుక్ మై షోలో ఈ సినిమాకి టికెట్లు దొరకడం కూడా కష్టం అయిపొయింది. నార్త్ ఇండియాలో సైతం సాలిడ్ కలెక్షన్స్ ని సాధిస్తోంది.

ఇదిలా ఉంటే హనుమాన్ సినిమాపై జనాల్లోకి నెగిటివ్ ప్రచారాన్ని తీసుకెళ్ళే ప్రయత్నం సోషల్ మీడియాలో కొందరు పనిగట్టుకొని చేస్తున్నారని చిత్ర యూనిట్ ఆగ్రహంగా ఉంది. తాజాగా దర్శకుడు ప్రశాంత్ వర్మ, హీరో తేజా సజ్జా పేర్లతో ఫేక్ ప్రొఫైల్స్ క్రియేట్ చేసి అనవసరమైన చెత్త పోస్టులు పెట్టి మెగా అభిమానులని రెచ్చగొట్టే ప్రయత్నం చేశారు.

తాజాగా దీనిపై ప్రశాంత్ వర్మ క్లారిటీ ఇచ్చారు. తన పేరుతో సోషల్ మీడియాలో ఫేక్ ప్రొఫైల్ క్రియేట్ చేసి పోస్టులు పెడుతున్నారని అన్నారు. ఆ ఫేక్ ప్రొఫైల్ లో రామ్ చరణ్ తనని డిన్నర్ కి పిలిచి ఒక సినిమా చేయాలని సినిమా చేయమని అడిగాడని, నేను చేయనని చెప్పేశాను అంటూ పోస్ట్ వచ్చింది. అయితే అది నిజంగా ప్రశాంత్ వర్మ పోస్ట్ చేసాడని అందరూ భావించారు.

తాజాగా ప్రశాంత్ వర్మ దీనిపై క్లారిటీ ఇచ్చారు. తన పేరుతో ఫేక్ ప్రొఫైల్ క్రియేట్ చేసి ఎవరో తప్పుడు పోస్టులు చేస్తూ సినిమాపై నెగిటివ్ ప్రచారాన్ని జనాల్లోకి తీసుకొని వెళ్తున్నారని తెలిపారు. ఇలాంటి చెత్తని భోగి మంటల్లో వేసి తగలబెట్టడం మరిచిపోయానని కామెంట్స్ చేశారు. ఎన్ని చేసిన ధర్మం వైపు నిలబడేవాడు ఎప్పడు గెలుస్తాడు.

హనుమాన్ ఫలితంగా మరోసారి అదిరి రుజువైంది. ఈ సినిమాతో పెద్ద సక్సెస్ ఇచ్చినందుకు అందరికి కృతజ్ఞతలు తెలియజేస్తున్న అని ట్విట్టర్ లో పోస్ట్ చేశారు. మరో వైపు తేజా సజ్జా హీరోతో వస్తోన్నవి కూడా ఫేక్ పోస్టులు అని హీరో కన్ఫర్మ్ చేశారు. హనుమాన్ మూవీకి సాలిడ్ రెస్పాన్స్ వస్తుండటంతో ఈ సంక్రాంతి రేసులో విన్నింగ్ మూవీలా నిలిచే అవకాశం ఉందని ట్రేడ్ పండితులు చెబుతున్నారు.