అనిరుధ్ కి 'పెద్ద ట్యాగ్' ఇచ్చిన హరీష్ శంకర్
అంతే కాకుండా ఎలాంటి సందేహం లేకుండా దేశం లోనే నెంబర్ 1 మ్యూజిక్ కంపోజర్ అనిరుధ్ అని తాను భావిస్తున్నట్లుగా సోషల్ మీడియా ద్వారా హరీష్ శంకర్ పేర్కొన్నాడు.
తమిళ సంగీత దర్శకుడు అనిరుధ్ ప్రస్తుతం స్టార్ హీరోల కు మోస్ట్‌ వాంటెడ్ అనడంలో సందేహం లేదు. తమిళ్ లో ఈయన చేసే ఆల్బం ల్లో ఎక్కువ శాతం మంచి విజయాల ను సొంతం చేసుకుంటున్నాయి. కానీ తెలుగు లో మాత్రం అనిరుధ్ కు ఇప్పటి వరకు కమర్షియల్‌ గా భారీ బ్రేక్ లభించలేదు. అయినా కూడా ఇక్కడి హీరోల కు కూడా ఆయనంటే మోజు అనే విషయం తెల్సిందే.
ప్రస్తుతం ఒకటి రెండు తెలుగు సినిమాల కు వర్క్ చేస్తున్న అనిరుధ్ మరో వైపు తమిళం లో స్టార్ హీరోల సినిమాల కు.. సూపర్‌ స్టార్ హీరోల సినిమాల కు సంగీతాన్ని అందిస్తున్న విషయం తెల్సిందే. తాజాగా ఆయన సంగీతం అందిస్తున్న 'లియో' సినిమా నుంచి ఆసక్తికర వీడియో ఒకటి వచ్చింది.
సంజయ్ దత్ బర్త్‌ డే సందర్భంగా వచ్చిన ఆ వీడియో లో అనిరుధ్ అందించిన బ్యాక్ గ్రౌండ్‌ స్కోర్‌ అద్భుతంగా ఉంది అంటూ దర్శకుడు హరీష్ శంకర్ కామెంట్ చేశాడు. అంతే కాకుండా ఎలాంటి సందేహం లేకుండా దేశం లోనే నెంబర్ 1 మ్యూజిక్ కంపోజర్ అనిరుధ్ అని తాను భావిస్తున్నట్లుగా సోషల్ మీడియా ద్వారా హరీష్ శంకర్ పేర్కొన్నాడు.
ప్రస్తుతం హరీష్ శంకర్ దర్శకత్వం లో పవన్‌ కళ్యాణ్‌ హీరోగా రూపొందుతున్న ఉస్తాద్‌ భగత్ సింగ్ సినిమా కు దేవి శ్రీ ప్రసాద్‌ సంగీతాన్ని అందిస్తున్న విషయం తెల్సిందే. తన సినిమా కు వర్క్ చేయకున్నా కూడా అనిరుధ్ కు దర్శకుడు హరీష్ శంకర్ దేశం లోనే నెం.1 అనే పెద్ద ట్యాగ్ ఇవ్వడం ఆశ్చర్యంగా ఉందంటూ కొందరు నెటిజన్స్ కామెంట్స్ చేస్తున్నారు.
ప్రస్తుతం చేస్తున్న సినిమాల తో టాలీవుడ్‌ లో అనిరుధ్ సక్సెస్ ను దక్కించుకుంటే కచ్చితంగా ముందు ముందు ఆ ఇద్దరు సంగీత దర్శకులను బీట్ చేసి అత్యధిక ఆఫర్లను అనిరుధ్ దక్కించుకుంటాడు అనడంలో సందేహం లేదు.